FC Emmen

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Boetekant vaan De Oude Meerdijk, 't toesstadion vaan FC Emmen.

FC Emmen is 'n betaoldvoetbalclub oet de Nederlandse stad Emmen, die in 't sezoen 2018/19 oetkump in de Ieredevisie. 't Is de insegste profclub oet de provincie Drenthe. Emmen späölt in Stadion De Oude Meerdijk, wat 8.301 zitplaotse kint. Trainer is sinds 2016 Dick Lukkien.

Historie[bewirk | brón bewèrke]

FC Emmen woort op op 21 augustus 1925 opgeriech es Noordbarge Emmen Combinatie (NEC), naotot kort daoveur drei clubs waore opgeluf. E jaor later woort de nui club umgeduip tot VV Emmen. Datzelfde jaor woort ouch de Drentsche Voetbalbond opgeriech, boevaan 't initiatief gooddeils vaan Emmen oetgóng.

FC Emmen drejde jaorelaank, soms vrij hoeg, in 't amateurvoetbal mèt. In 1955 kraog de club 't proefvoetbal aongeboje; me besloot dat neet te doen. De discussie kaom weer op gaank wie in 1971 (bij de oplufting vaan de Twiede Devisie) de kortbij profclub SC Drente (sic) verdween. Oetindelek struimde VV Emmen in 1985 in de Ierste Devisie in. Drei jaor later woort de amateurtak obbenuits aofgesplits. De amateurs bestoon nog ummer es VV Emmen. De profclub woort in 2005 tot FC Emmen umgeduip.

In de ierste jaore had de club wieneg sportief succes: ze indegde gemeinelek örges oonderin de Ierste Devisie. Ouch financieel góng 't slech: diverse kiere mós de gemeinte de club rèdde vaan e faillissemint. Vaanaof de twiede hèlf vaan de jaore negenteg góng 't sportief wel väöl beter: de club haolde dèks de naocompetitie en woorte zelfs twie kier twiede. Op promotie waor 't evels wachte tot 2018, wie FC Emmen ziech oonverwach euver de rögk vaan N.E.C. en Sparta veur de Ieredevisie plaotsde. Dao wis 't ziech bove verwachting te hawwe. In 2021 degradeerden 't weer, ouch via de naocompetitie, um 't jaor dao-op mèt euvermach te promovere.

Rizzeltaote sinds 1985[bewirk | brón bewèrke]

18
16
18
18
6
12
18
12
9
10
2
3
3
3
5
11
5
2
8
19
6
11
9
13
15
13
18
12
12
4
7
9
7
14
12
16
1
16
86 87 88 89 90 91 92 93 94 95 96 97 98 99 00 01 02 03 04 05 06 07 08 09 10 11 12 13 14 15 16 17 18 19 20 21 22 23
Ierste Devisie

Opmerking: 't Sezoen 2019/20 woort in verband mèt de COVID-19-pandemie aofgebroke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=FC_Emmen&oldid=460082"