Euverlèk gebroeker:Luxe beNen

Daag Luxe beNen, diech bis vas de gebruker dee al e tiedsje es anoniem aon 't werk was bij Mestreechse artikele. In eder geval: noe officieel welkom op Wikipedia! :) ⵙⵜⴰⵢⵏⴱⴰⵅ 13 nov 2011 12:38 (CET)

Get laat, mer ouch welkom vaan miech! Iech höb dien gebrukerspagina geleze en zeen tots diech wel get eige ideëe höbs euver 't Limbörgs. Iech wèl diech evels vraoge um ein dialek aon te hawwe in de artikele dies te sjrijfs. Spelling is 'n zaak vaan aofsprake en tot die verandere gebruke veer de vasgestèlde Veldekespelling. Alvas bedaank! - Pahles | zègk 't mer 20 nov 2011 16:01 (CET)

N'ekes eweglaote

Dat hoofste neet euveral te doen huur... bij get obscuurder plaotse in Nederland, 't Belsj en Duitsland entans neet. ⵙⵜⴰⵢⵏⴱⴰⵅ 11 dec 2011 15:23 (CET)

Aoke

Hoi LUx beNen, 't lemma ziet noe väöl baeëter oet, ooch al sjteet d'r behalve dat 't örsjte deel noe in 't Mestreechs gesjraeve is neet väöl nuujs in. 't Kan vör mich zoe blieve sjtoeë mae 't Germaanse aa is zieëker neet aafgeleid van 't Latiense aqua. Ooch vèlt de besjrieving van de waermwaterbrónne neet oonder de geografie mae de geologie. Ich zal de correcties make en nog 'ns merci vör gooie ópmaak, dat waoërt idd tied!--Mergelsberg (euverlègk) 3 mrt 2012 08:31 (CET)

Tóch waal zinvol toevoeginge över oonderwies economie en transport!--Mergelsberg (euverlègk) 3 mrt 2012 08:50 (CET)

Es ich ieërlik bön dink ich neet det 't Germaans get mitte naam "Aoke" te maken haet. Den zów 't waal "Aohe" gewaes zeen. Volges mich kump 't gewuuen drek van 't Letien. --OosWesThoesBes (euverlègk) 3 mrt 2012 11:54 (CET)

@OWTB, aodgermaans hh wert bie 1sjte germaanse klaankversjuving k en bie de twiede (Benratherlinie) in Aoke 'n ch mae blaef in Norbik 'n k! Haat dus mèt aqua niks te make.--Mergelsberg (euverlègk) 4 mrt 2012 07:41 (CET)

Ich zal dich mótte teleurstelle, meh det klop neet. Laes dees pagina mer 'ns good door. "k" wuuertj juus "x" (h) en neet angesóm. Doe höbs 't euvere twieëdje klankversjuving. Die koom pas bie Aoke róndje negendjen ieëf en det veroearzaak 't versjil tösse Ripuarisch en Limburgs. 't Feit det weer "Aoke" zègke, kump d'r dus vanaaf ómdet 't 'n Latiens lieënwaord is det nao de ieëste klankversjuving gelieëndj is gewaore en bie de twieëdje klankversjuving is verangerdj nao "Aoche" in 't Ripuarisch, mer hie "Aoke" is gebleve. --OosWesThoesBes (euverlègk) 4 mrt 2012 10:44 (CET)

Iech moot Owtb ouch geliek geve. Ahwa waor in 't Oergermaans, laank veur de twiede klaankversjuiving en universeel in alle Germaanse dialekte, al mèt 'n h. Dat waor de ierste klaankversjuiving (ierste wèt vaan Grimm ouch). Dao-oet is dus noets e toponiem Aoke te verklaore. Mèt d'n awwe naom Aquae en de standaard klaankwètte is alles te verklaore: de Neder- en Hoegduitse naome en zelfs de Franse naom. Wie heibove al is oetgelag. Steinbach (euverlègk) 4 mrt 2012 11:10 (CET)

Klópt OWTB, bie 1sje klaankversjuving wert indoeuropese k de aodgermaanse ch. "Der Name Aachen stammt möglicherweise vom altgermanischen Wort „Ahha“ (sprich: Acha), das soviel wie „Wasser“ bedeutet" und noch heute in „Oche“, dem Stadtnamen im lokalen Dialekt, dem „Öcher Platt“, erkennen lässt." De twiede klaankversjuving is dus vör Aoche van geen belang ömdat d'r naam gèng k haat. D'r naam Aoche is dus zoonder d'r Romeinse naam te verklaore. Mae d'r naam Aoke neet. Zów kènne dat d'r romeinse naam 'n ról gesjpeld haat, en dan is wie Steinbach ooch zaet alles vlg de taalwètte verklaord zieë. Mae d'r naam kan ooch väöl later oontsjtande zieë. De ch kan vervange zieë dör 'n k nao analogie van al die aander wäörd oeëin die verendering sjtructureel plaatsjvindt an de 2 kaante van de berather linie...--Mergelsberg (euverlègk) 5 mrt 2012 10:44 (CET)

Iech dink gewoen tot die site 't ouch fout heet. Is ze door 'n taolkundege gesjreve of steit dat neet debij? 't Aajdgermaans heet um te beginne ahwa en neet ahha, dat is al fout. Daan is de Aajdgermaanse h in alle taole verweik tot 'n echte /h/ en neet /x/ ('ch'); daobij is ze nao vocaole al vreug gans verdwene: toponieme die vaan ahwa aofstamme, klinke ummer Aa, Ee, Ie of IJ, ummer zoonder h. Woersjijneleker is tot de plaots gewoen door de Romeine is gestiech es Aquae, wat d'n oersprunkeleke naom is. Dao-oet zien alle naome gemekelek en mèt de gellende klaankregele te verklaore, en dao hoofste minder anomalië veur te bedinke es tot de naom oersprunkelek Germaans zouw zien. Dat maak 't tot gewoen de woersjijnelekste theorie. Steinbach (euverlègk) 5 mrt 2012 10:58 (CET)

OWTB & Steinbach, d'r haat geliek want 't Romaans taaleiland Vols-Aoke paast dao ooch in!--Mergelsberg (euverlègk) 5 mrt 2012 13:15 (CET)