Euverlèk gebroeker:Bjorn

Van Wikipedia
Naar navigatie springen Naar zoeken springen

Hoj Bjorn, wèlkóm op Wikipedia! Este vraoge höbs euver wie v'r 't hei doen, daan stèl ze us rösteg (meh dat deiste al, neet? :-)). Vergeet ezzebleef neet te vermelde welk dialek totste toes spriks, mesjiens op dien gebrukerspaasj, of bove eder artikel. (Dat deiste door {{dialek|höppeldepöp}} bove door diech gesjreve artikele te zètte; dat "höppeldepöp" steit daan veur 't dialek wats diech spriks, Heëlesj of zoe). Este neet of neet perceis wèts wieste 't mós sjrieve daan kinne veer diech wel aon links helpe, of diech gewoen direk raod geve. Väöl plezeer op Wikipedia touwgewuns, en totste mer väöl gooj artikele maags sjrieve! HaafLimbo 24 nov 2005 15:55 (CET)

Bedank Haaflimbo veur de welkomswujd! Ich bin benieujd wat mien biedrage zulle weure. Ich hou nog un paar vroage: 1. Artikele motte toch op alfabet geplaatsj wére? Bijv. Dr.Poels moet toch onger de P en neet onger de D? 2. Ich kan dan wel artikele plaatsje, mér wie zit ich ze onger un bepaalde kategorie? Wie plaatsj ich bijv. Dr.Poels in de kategorie Biografieë of Bekende Limburgse of zoëget? 3. Als ich aangèf dat un artikel in bijv. 't Heëelsj is, wie kenne anger luuj dan (taal)verbèteringe aanbringe als ze neet datzelfde dialek hubbe? Haupend op un vruchtbare samewirking, Bjorn, 25 nov 2005

Dat zien zinnege vraoge, woe v'r zelf ouch neet in eine kier oet zien gekómme. Iech zal 'ns zoe good meugelik perbere et antwoorde:
  1. In 'n online encyclopedie zeuk me artikele neet wie in ein vaan pepeer. Me zal ieder bij 'n artikel koume door 'ne zeukopdrach op Google of door 'ne link oet 'n ander artikel. Es veer 't artikel in 'n lies plaotse, daan zètte veer 't handmaoteg op alfabet. Zoe is dat ouch mèt dien artikel gebäörd: op de Biografielies op alfabet steit de mins inmiddels oonder de P.
  2. 'n Categorie voogste touw aon 'n artikel door in dat artikel zelf [[Kategorie:xxxxx]] te zètte. Wie iech al zag, dee Poels kin nog neet in 'n bestoonde categorie, meh dat kump later wel.
  3. Iech bin zelf 'ne native speaker vaan 't Hoeg-Hollands en iech höb 't Limburgs es twiede taol gelierd. Allewel tot iech allein 't Mestreechs ech good behiers höb iech ouch 'n aontal ander dialekte bestudeerd, zoetot iech tot op zeker huugde wel verbeteringe in andersmans tekste kin doorveure. Bij spelfoute is dat nos 't gemekeliks. Meh aon d'n andere kant weit iech t'n ierste neet perceis welk dialek tots diech höbs (iech kin 't wel oongevier raoje, wieste gezeen höbs), en t'n twiede spreek iech die dialekte neet vleujend, dös gaans verbetere kin iech 't natuurlik neet. Meh dat is ouch neet nujeg, 't is jummes diene mojertaol, dus wèts diech 't oetindelik 't beste :-).
Este 'n artikel in dialek x wèls aonvölle in dien eige dialek y, dan is dat gei probleem, tenzij 't zoewied kump tot in eine zin twie täölkes doorein weure gebruuk. In dat geval kump eine vaan us vreug of laat wel laanks veur dao get aon te doen. 't Devies vaan Wikipedia is teslotte "Veul diech vrij en gaank dien geng", dös dao hoofste diech neet te väöl zörg euver te make! HaafLimbo 25 nov 2005 12:27 (CET)

sjpelling[brón bewèrke]

Hoj Bjorn. Maog iech ouch effe reagere. Iech höb ein paar sjpelaanpassinge gedoon in dien artikel.

bv. ut in 't ('t weurt sjuus 't zelfde gesjreve es in 't Nederlands, sjuus wie ouch 'n (neet un, dat ies 'n ui); komme in kómme, wurd in wurt (werkwoord were, sjtam +t). (Iech gaon oet van de algemein sjpellingsreigele veur alle Limburgse dialekte van Veldeke-Limburg. Iech verander allein mer wat iech zeker mein te weite, neet die wat de oetsjpraok (van 't Heerles) betref. Es bep. aanpassinge (bv. oetsjpraok) volges diech neet kloppe, moes doe dat truuk verandere. Kiek ouch op [[1]], dao sjtoon veurbeelde van algemein dialeksjpelling en van sjpelling veur eder specifiek dialek. groetjes --Aelske 25 nov 2005 12:23 (CET)

Heij Aelske,

Ich waardeer 't erg als gier sjtukke verbéterd, zoals gier gemerkt hub, is mieng dialek nog lang neet wiej 't zou motte zeen. Ich wei bijv. neet of 't 'zeen', 'seen' of 'sehn' is... Doarum zint verbéteringe van harte welkom en in mien stukke zeker nog lang neujdig (of nöjdig? :) >nuëdig dink iech (uu mèt naosjlaag) Groetjes, Bjorn 26 nov 2005 16:50 (CET)

't Is zeen. Allewijl doen v'r neet mie aon "Duitse" spellinge, umtot dat nog wel ins probleme opleverde in 't verleie. Allein de ö (die trouwes neve de korte u veurkump!) en de äö herinnere nog e bitteke aon die taol, meh dat kump doortot 't Limburgs mier klinkers heet es 't Hollands. HaafLimbo 26 nov 2005 17:17 (CET)

Hoj Bjorn, Fijn tot v'r noe ouch 'ne historicus debie höbbe. Iech höb in dien gebroekersjpagina 'n aantal sjpellingszake aangepas. D'n inhoud höb iech natuurlik neet veranderd! In 't begin ies plat sjrieve bès waal lestig. De moes loestere nao diechzelf en dan ouch nog ganse nuuj en ander reigele toepasse. Meh dat wènt gauw. Iech nuèdig diech oet um 't kort artikel Termaar (Klumme) aan te passe (en mesjiens oet te breije) aan dien eige dialek, dan sjteit 't Termaars (in 't plaatsgebónge artikel) ouch op de kaart (Wikipedia). Iech höb 't gesjreve in 't Valkebergs. groete --84.30.168.55 27 nov 2005 09:09 (CET)= --Aelske 27 nov 2005 09:13 (CET)

Daag Bjorn,

Doe begins ummer beter te sjrieve in 't plat. Iech wil effe oetlègke woarum iech bepaalde dinger veranderd höb in dien biedraag. Sóms ies 't bès waal ingewikkeld es te euver dialek kalle en sjrieve nao geis (moes) dinke. In 't dialek höbbe v'r 3 woordgesjlachte. Meistal veule v'r vanzelf aan wie v'r get moete zègke en sjrieve. bv. dae fiets; 'ne fiets dae is kapot, deze fiets is van mich. (fiets is mannelik zaet 't weurdsje dae en in dien dialek geuf 't weurdsje d'r veur 'n zelfsjtendig naamwoord ouch aan dat 't mannelik is). 'n taofel die is hoeëg, dees taofel. (taofel is vrouwelik,'t weurdsje die geuf aan dat 't woord vrouwelik is). 't kind is klein, dat kind. (onzijdig) en (n.a.v. de sjpelling in dien biedraag moet 't dus dees besjlissing (vrouwelik) en dizze of deze winter (mannelik) zin, meh toch: dees zjwaor wintersj..). Nog get: in 't plat ies 't werkwoord waere (Ned. worden), dan ies de 3e pers. inkelvoud sjtam+t = wurt. Kiek ins op mien website: laesplenkske en klik wiejer nao grammatica, dao sjtoon ein aantal veurbeelde. Succes demèt. ;) --Aelske 21 dec 2005 21:26 (CET)

Lies[brón bewèrke]

Hoj Bjorn, leuk, dien artikele, en zeker dat euver de prostitutie is professioneel! Allein veer zien nog 'n Wikipedia in opbouw, en zoe'n gespecialiseerde artikele loupe mesjiens e bitteke op de opbouw vaan de Wikipedia veuroet. Veer streve nao 't opvulle vaan de Wikipedia:Lies van artikele die elke Wikipedia moot höbbe (en daoneve nog vaan alles euver Limburg, natuurlik). Dao-op stoon nog 'ne gansen houp historie-artikele die nog gesjreve mote weure. V'r höbbe nog neet ins get euver Cleopatra, of Sjarel de Groete, of zelfs euver Napoleon Bonaparte es iech miech neet verdaol. Mesjiens zouwste die kinne sjrieve? HaafLimbo 28 nov 2005 22:44 (CET)

Inderdoad, dô has se zéker geliek in...'t wôr natuurlik neet mieng bedoeling dizze Wiki vol te sjrieve mit mien eige historisje interesses. Gôd das se dat noe geliek aankaars. Ich zal mieng aandach focusse op de iësjte noodzakelikheid van 't vervolmake van de Lies en doänève mieng persönlikke interesses botviere :) Bjorn 29 nov 2005 10:16 (CET)

Prima, dat doen veer ouch :-). HaafLimbo 29 nov 2005 10:23 (CET)

Verenderingskes op Adolf Hitler[brón bewèrke]

Vergeet veural neet tot 't Mestreech vol zit mèt Franse wäörd. HaafLimbo 2 dec 2005 11:55 (CET)

De has 't euver orateur toch? Ich betwiefel of lu dat woerd daadwerkelik gebroeke en aangezeen Wiki och bedoeld is veur neet gelierde luu, leek mich sprèker 'n bèter woerd. Mèr de bis natuurlik vrie om dat teruuk te verangere als ich mich verdöld hub. Bjorn 2 dec 2005 12:01 (CET)

De zouw ins mote wete wat Mestreechtenere nog veur Frans gebruke watste in 't Heuvelland vaan ze leve neet huurs... Meh spreker is ouch good, iech höb 't laote stoon :-).
Iech bin oets ins begós aon 't artikel Twiede Wereldoorlog, meh iech bin dao neet wijer mèt gekómme es 't veurspel; woe d'n oorlog begint hèlt 't stökske op. Dat zouws diech good kinne doen, en de bis dao waorsjijnlik snelder mèt veerdeg es iech. Klummes is natuurlik gei probleem, eus beleid is ei dialek per alinea, meh mier dialekte in 'tzelfde artikel maag wel. HaafLimbo 2 dec 2005 12:05 (CET)


Sjriefwèdsjtried[brón bewèrke]

Daag Bjorn,

Ómdat 't noe e bitteke begint te loupe mit de Limburgse Wikipedia höbbe v'r besjlote 'ne sjriefwèdsjtried te hawwe. 't Is de bedoeling dat alle deilnummers e zoe good meugelik artikel sjrieve, zoedat v'r d'r 'ne gansen houp gooj artikele biekriege. Doe kans de veurwaarde hie vènje; op dees pazjena kans te dich ouch mitein aanmelle.

(Dit is e sjtandaardberich wat mie gebroekers kriege)
V'r höbbe diech al e tiedsje neet mie gezeen, iech zou 't leuk vinde weer ins get vaan diech te leze! Steinbach (vreuger HaafLimbo) 15 feb 2007 23:41 (CET)

Ich zoot d'r juus aan te dinke om wir es get te sjrieve...zoals se merks, is mien dialek d'r neet op voroet gegange de aafgelaupe tied. Dat sjtuurt mich en dat woar toch 'ne drempel um 'n tiedje nieks te sjrieve. Ich höb echter wir get mood(t?) verzameld en ich zal dizze wèk nog beginne met den Kouwe Oorlog.

t-deletie[brón bewèrke]

Hoi Bjorn. Iech höb in de Zjwarte Doeëd 'n paar sjp.-dingskes aangepas. Iech vraog miech daoneve aaf of luuj in Klumme de t neet ouch dèks laote wegvalle (t-deletie = ein van de kènmerke van de Limburgse dialekte). (bv.: uterst of uters; pest of pes)?.

Wie ich de letste kiër in Limburg en in Klumme waor höb ich extra good op miene oetsjpraak gelet en op de oetsjpraak van lu. Ich moos toegaeve dat 10 jaor weg oet Limburg mieng taal zeker neet good haed gedaon en dat mien 'Klummesj' wat aafweikinge vertoeënt van 't gesjpraoke Klummesj...ich bin wat 'verhollendsjt'.. Mieng t-deletie aafweiking is zeker neet de einige, helaas. Ich probaer d'r waal op te lette, mer 't bliet kunstmatig. --Bjorn 18 mei 2007 11:20 (CEST)

Vraog[brón bewèrke]

Hoi, v'r maoge dich vraoge vör get hulp sjriefste óp dieng gebroekerspagina? Zówste mesjie 't lemma Örsjte Waeltkreeg 'ns wille bekieke en aafmake. Ooch 't aanmake van de lies van bisjoppe va Luuk wieër handig en da gebroek ich in 't lemma Hendrik II van der Leyen d'r term episcopaal consecratie dae ooch 'n lemma broekt. Wat vindste van 't lemma motte. Alvas bedaankt. Bètste groete--Mergelsberg 29 aug 2009 23:46 (CEST)

Dank veur dieng vraog, Mergelsberg! 't Is altied fijner öm gevraogd te weure, dan öm....nou ja, dat is gewoon fijn. Zoals se al ongertössje al begrépe höps, bin ich neet vaak miej op de Limburgse wiki te vinge, helaas. Des te vaker bin ich aktief op de Hollendsje versie. Waorum? Nou, dat zal noe waal duudelik zeen: ich ving mieng eigen Limburgse taalgeveul te völ aafgezjwak öm 'n goej biedraag te kenne levere aan dit (lestige) project. 't Kost mich tegewoordig éch mujte öm good Limburg te kalle, laot sjtaon d'röver nao te dinke öm dit te kenne sjrieve! Mèr, wens dich mich vraogs, völ ich mich gevleid en zal ich mich gír richte op dieng vraoge. --Bjorn 18 jan 2010 22:19 (CET)