Wikipedia:Sjriefwèdsjtried

Van Wikipedia
Naar navigatie springen Naar zoeken springen

Wie in de kaffee veurgestèld woort óm ónger de actief gebroekers van de Limburgse Wikipedia 'n sjriefwèdsjtried te organisere reageerde me dao algemein positief op. Gevolg: Op de Limburgse Wikipedia zal noe, in naovolging van versjillende groeter Wikipedia's, ouch 'ne sjriefwèdsjtried gehawwe waere. Dees pazjena is deveur bedoeld dao dudelikheid euver te gaeve en 't gans gebäöre te coördinere.

't Doel van deze wèdsjtried is mit 'n ludiek saort competitie veur ein aantal nuuj, gooj artikele te zörge.

Bedoeling[brón bewèrke]

Edere participant sjrief ein artikel, wat hae hie nomineert. 't Leefste nomineert hae iers 't artikel veurdat hae draan begint, dat is aevel neet verplich. Dit artikel mót nuuj zeen: me mag gein awd artikel van zichzelf veurdraoge, meh 't of van de gróndj aaf opboewe of van e sjtumpke tot e lank artikel make.

De artikele waere nao de volgende criteria beoordeild:

  • 't Artikel mót lank genóg zeen. Kwantiteit is natuurlik gein garantie veur kwaliteit meh aan te korte artikele höbbe v'r niks. Het geit d'róm dat 't óngerwerp ein bitje vollaedig is besjreve, zónger dat d'r irrelevante non-informatie in 't artikel sjteit.
  • 't Artikel mót zich hawwe aan 't NPOV-beleid: 't maog gein anger sjtandpunt inneme as de algemein consensus.
  • 't Artikel maog absoluut gein oteursrichte sjinne.
  • 't Artikel mót good gefraseerd en opgeboewd zeen. Mit anger wäörd: haut 't laesbaar.
  • Alle sjtèllinge die 't artikel poneert mótte es gooj feite óngerboewd zeen. Perbeer good te documentere, veural as 't óm dinger geit die neet edereine zoemer wit.
  • As 't kin mótte d'r väöl blaw links in dien artikel sjtaon. Mesjiens waere in dien artikel waal terme gebroek die emes angers neet begriep, dan is 't henjig as die ouch in 'n eige artikel waere oetgelag. Die links maoge ouch tiejens de wèdsjtried nog gevöld waere. Dit puntje is relatief ónbelangriek, 't maog de ranking van ein artikel neet make of braeke.
  • 't Leefste mót dien artikel correk gesjpeld zeen en neet zunjige taege de raegele van die dialek (gein invlode oet anger dialekte bieväörbild). Dit is aevel nog 't mins belangrieke. Wae gein of wienig ervaring haet mit Limburgs sjrieve maog ouch bie deze wèdsjtried de hölp van angere inrope.

Proceduur[brón bewèrke]

Vanaaf 't memènt dat dees pazjena aangemaak weurt maag me zichzelf insjrieve veur deze wèdsjtried, ouch es me nog gein artikel aan 't make is. Desnoeds maog me tössedoor van óngerwerp verangere. Zoe gaw me zeker wit welk artikel me geit nominere, mót me 't sjabloon:Sjriefwèdsjtried op 't artikel plekke (dat deis te door {{sjriefwèdsjtried}} gans bovenaon te zètte). Op 17 miert 2007 sjlut de insjrieving en mótte de artikele vaerdig zien. Dan make de gebroekers van de encyclopedie - dat kins doe dus ouch zeen! - óngerein oet wae de winner is. Gebroeker:Steinbach köp zich 'ne pries veur de winner. 't Is dan de bedoeling dat v'r 'ne wikimeet organisere wobie deze pries weurt oetgereik.

Participante[brón bewèrke]

Gaef 't hie aan as te mit wils doon. Zègk d'r zoe gaw meugelik biej mit welk artikel.

Mèt väöl plezeer, eige ónderzeuk en inzat höb iech aan 't oetgebreid artikel Vastelaovend gewèrk (en gaon nog door!). In twiède insjtantie houw iech dit thema opgegeve veur de sjriefwedsjtried, meh iech zeen op deze esjelegoonsdig, es me wir get serieuzer geit naodinke, toch ouch get wölkskes bovedrieve. Iech vraog miech namelik aaf, wae al die wedsjtriedartikele geit beoordeile? 't Gevaor liek um d'n hook, dat me fuitsjes geit zeuke en örges natuurlik nao get kritiek. (Dat bies se toch aan diechzelf verpliech es good naodinkende en óntwiekelde miensj ;)). 't Idee op ziech ies leuk, veural um oet te dage, miè en oetgebreider artikele te sjrieve, meh in geneump kader weurt 't dus gevièrlik. Gevreigel liek op de loer... Veur 'n beoordeiling moet 'r 'n deskundige, neutraal en ónafhankelike jury zin, en die höbbe v'r dus neet!. Mesjiens kènne v'r beter 'n nuuj categorie make, zoa-es b.v. de Categorie: SJTERARTIKELE, woa-in dit soort langer en oetgebreide artikele 'n plaetske vinge. Dao-oet kèn dan vervolges getap were veur b.v. 'n hoofpagina-artikel. Dit ies de rae woarum iech mich noe truuk trèk oet de wedsjtried... --Aelske 21 feb 2007 10:34 (CET)
Iech höb dudelik gezag "dao discussiëre v'r zelf euver". Dat zien dus alle ander participante es de sjriever zelf. En iech zeen neet wat dao mis mèt is, dit is 'n informeel aongelegeheid en gein ATP-artikelsjrief-ternoej. Steinbach (vreuger HaafLimbo) 21 feb 2007 10:54 (CET)
  • PAhles 16 feb 2007 21:58 (CET) - Iech dink dat iech 't gaon perbere met 'n artikel euver d'Artagnan. Iech bin evels kómmende week neet toes (vekantie!), dus iech hoop dat iech nog genóg tied vin es iech trök bin.
Iech weit neet wie 't mèt de aandere is, mer iech gaon 't neet op tied klaor kriege. Iech bin wel vaan plan um 't artikel wijers aof te make, want 'n begin höb iech al, mer wie lang dat geit dore weit iech neet. Veur de aandere väöl succes! - PAhles 16 mrt 2007 20:19 (CET)