Euverlèk:Roubaix

Van Wikipedia
Naar navigatie springen Naar zoeken springen

Dit herinnert mich aa de discussie uëver d'r plaatsjnaam Kales (of Calais). Zaat me op 't Masjtrichs Robaais aa Roubaix? En waat vuur naam mótte v'r hei officieel gebroeke? De endoniem of de exoniem? --SCV (euverlègk) 21 jul 2016 00:44 (CEST)

Iech dink tot me tot aon de Oorlog "gewoen" de Germaonse benaoming gebruukde, dus oongeveer zoewie op 't Vlaoms. 't Feit blijf evels tot me dat noe gaaroet neet mie zeet. 't Gief geine Mestreechteneer dee Kales zeet, dus dat zal bij Robaais 't zelfde verhaol zien. Dit geit dus inderdaad trök op de iewege discussie op dees Wikipedia of me 't dialek "traditioneel" mót hawwe of "allewijl". Oetindelek is dat bij 't Mestreechs minder problematisch es bij de mieste dialekte umtot 't Mestreechs Limbörgs 'nen officielen dictionair heet dee hendeg good is gedigitaliseerd op mestreechtertaol.nl. Es dao gein Mestreechse vertaoling vaan Roubaix steit, en dao gaon iech vaanoet, kins de es lètse keus ouch nog de behierder contactere vaan Mestreechter Taol. Heer reagiert normaal gesproke binne e paar daog. 't Lieket miech daan 't bèste zien advies euver te nömme. Mer mesjiens is 't good es diech 'n stömming organiseers in de Kaffee hei op Wikipedia, of veer veur de Nederlandse benaoming vaan de plaotse in le Nord (of op Vernederlands Limbörgs: Noordelek Departemint) gaon of veur de Franse. Dao zulle de meininge wel zjus wie op de Nederlandse Wikipedia hiel erg versjèllend euver zien (veural tösse Belzje en Nederlanders). De NL-Wikipedia is oetindelek veur de Nederlandse benaoming gegange, mer kin miech veurstèlle tot de Limbörgers get minder puristisch zien. Nog e klein vräögske: boerum höbs de dit artikel aongemaak mèt 'n aander account?--Zeiverklaos (euverlègk) 21 jul 2016 11:10 (CEST)
Dit attikel is trouwes aagemak durch ieëmes mit e anger account, deë óch op anger kling Wiki's dees pazjina houw aagemak (wie de Zieëwse en Wes-Vlaamse). --SCV (euverlègk) 21 jul 2016 11:35 (CEST)
Ich mein mich te herinjere det v'r destieds höbben aafgespraoken óm de keus bie de sjriever van 't artikel te laote. Op 't Belsj wuuertj Limbörgs gekaldj en dao zal me mieë genege zeen óm waal de Vlaamse name te gebroeke. --OosWesThoesBes (euverlègk) 21 jul 2016 11:59 (CEST)
Dat klop, dat woar toen Mergelsberg i de uëverlekpazjena vróg of Kales de richtige benaming is vuur Calais. Ich han mich de discussie bei Kales e bitteke sjnel durchgeleëze, meh ich zóg dat de benaming doa nogal serieus woeëd opgepak en um zikker te zieë, vróg ich 't hei nag ins. --SCV (euverlègk) 21 jul 2016 12:22 (CEST)
Wat miech betröf verplaotse nao Roubaix. In Mestreech zeet met neet "Robaais" dus 't is oonzin um 't artikel zoe te neume en 't in 't artikel zoe te sjrieve. 'ne Redirect kin uiteraard wel. - Pahles | zègk 't mer 21 jul 2016 13:16 (CEST)
Ich vroog neet SCV/Stephan 0796 of Kales d'r richtige naam is mae of me Kales (oetsjpraak Kaa-lus) zaet in Haeële. Ich kan mich dat namelek laestig väörsjtille.--Mergelsberg (euverlègk) 21 jul 2016 19:50 (CEST)
Iech bin 't mèt Pahles eins. Hei in Mestreech zeet niemes Robaais. En aongezeen Mestreechs vaan alle Ned.-Limbörgse dialekte mesjiens nog 't meis is Vervlaoms kin iech miech ech neet veurstèlle tot dat aanders is in 't ieder nao Kölsj neigende Haeëlesj.
Noe zaag ich óch ieërder Kalae wen ich plat kal, meh dan blieëf ich ummer Kales sjrieëve. 't Is dös ech persuënlig, meh wieër is 't mich egaal of ieëmes d'r naam aapas. Me mót uëvriges neet de ouw discussie uëver Kales verwarre mit die va Roubaix (en dit sjrieëf ich waal op Franzuësisj, weil ich hei óch geë Robaais zaag). Dit attikel is durch 'nen angere gebroeker gesjrieëve, ‎31.161.180.236. Wen ich e attikel sjrieëf uëver Franzuësisje, Belsje of Dütsje topografische name, gebroek ich in ieësjte instantie ummer deë va de dominante sjproak in 't gebeed. --SCV (euverlègk) 22 jul 2016 10:24 (CEST)

Good daste 't met Pahles éns bis Stephan 0796|SCV, in Mestreech zaet idd nieëmes Robaais. Doe sjriefs dat hiebaove evvel wal mèt 't IP adres dat 't lemma haat aangemakt. Kiek bie de historie. Wie verklaors-te dat?--Mergelsberg (euverlègk) 24 jul 2016 17:37 (CEST)

Ha, Mergelsberg. Ich bin SCV en dit is mien IP-adres: 84.86.47.62. --84.86.47.62 24 jul 2016 20:59 (CEST)
Zow d'r mèt dit IP adres 'ns wille tekene?--Mergelsberg (euverlègk) 24 jul 2016 20:33 (CEST)
D'r sjreef mèt IP adres 31.161.180.236 'Iech bin 't mèt Pahles eins. Hei in Mestreech zeet niemes Robaais. En aongezeen Mestreechs vaan alle Ned.-Limbörgse dialekte mesjiens nog 't meis is Vervlaoms kin iech miech ech neet veurstèlle tot dat aanders is in 't ieder nao Kölsj neigende Haeëlesj.' Kiek de historie. Dat is 't egeste adres dat d'r hiebaove neumt es 't adres van 'ne aandere dae Robaais aanmaakde. Kan d'r 'ns oetlegke wie dat ineen zit? D'r sjrieft hiebaove ooch dat d'r Calais, oetsjpr. Kalae zèkt in 't Haeëlesj en neet Kales. V'r haant hie aafgekald dat v'r d'r plaatsjnaam gebroeke zowie dae in 'ne bepaalde variaant van 't Limburgs wert gebroekd/ oetgespraoëke. Op groond daova sjtil 'ch väör öm d'r naam van 't lemma aan te passe. Han ooch geïnformeerd bie bekaande in Haeële, die haant nog noeëts van Kales gehoeërd en zègke Calais. --Mergelsberg (euverlègk) 25 jul 2016 11:43 (CEST)
Ich dink det 't Mestreechs 't meiste verfrans is en neet vervlaams. Vörm wie Robaais en Kales zeen je de Vlaamse variantje. --OosWesThoesBes (euverlègk) 25 jul 2016 12:09 (CEST)
Mergelsberg, mien IP-adres 84.86.47.62 en neet angesj. Ich han mich de historie va dit lemma bekieëke, meh dan zieë ich twieë IP's, oeë va ich weet dat 84 enz. bei mich huët (dat han ich vervólges óch gecontroleerd, en 't klop). Boavedeen vróg ich get, dös dan liek 't mich króm dat ich dan mien vroag beantwöad. Wieër communiceer ich noeëts op 't Masjtrichs. 't Liek mich klaar. --SCV (euverlègk) 25 jul 2016 14:07 (CEST)
Waat betref Calais moogs se d'r naam bes verangere. Dat han ich dich u.a. waal gezaag. :) --SCV (euverlègk) 25 jul 2016 14:07 (CEST)
Ich zal Calais direk aapasse! --SCV (euverlègk) 25 jul 2016 14:11 (CEST)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Roubaix&oldid=403967"