Dinarischen akkelej
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
d'n Dinarischen akkelej (Aquilegia dinarica) is 'n euverblievendje plantj oete ranonkelfemielje (Ranunculaceae).
De plantj kump van netuur veur oppe Balkan. De plantj duit 't good inne Dinarische Alpen ane zieëkus. De plantj kump veur inne alpien zaon. Dees zeldjzaam, endemische saort kump van oearsprónk allein veur in Bosnië-Herzegovina, Montenegro en Naord-Albanië.
d'n Dinarischen akkelej is 'n mieëjäörige, kroedechtige plantj en greutj toet 'n huuegdje van zoeaget 25 cm. De plantj bezitj e riek-vertak rotestèlsel en 'nen haadbare paolroot. De rechte stengel is toe, kleerechtig behaordj. De gróndjblajer bevinje zich in e los blaadrozèt en zeen deep ingesni-jje, driedeilig en aan bèdskantje kleerechtig behaordj.
De blome vanne plantj slaon bluitsig paars toet witsig oet.
De plantj greutj op zónnige plaatse, die toch deils zeen besjieëmp. Wiejer is d'n óngergróndj wo d'n Dinarischen akkelej veurkump kalkhajendj. Meistes vindj me-n 'm op puunhellinge.
De bleujtied is van julie toet augustus.