De Friese Meren

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte De Friese Meren

Veendel vaan De Friese Meren

Waope vaan De Friese Meren

Ligking vaan De Friese Meren in de provincie Friesland

Provincie Friesland
Hoofplaats Joure[1]
Börgemeister (lies) Arie Aalberts (CDA)[2]
Opperflaakde
– daovan water
559,93 km²
198,10 km²
Inwoeners
deechde:
51.229 (1-5-2014)
142/km²

De Friese Meren (officieel, Fries: De Fryske Marren) is de werknaom vaan 'n fusiegemeinte in de Nederlandse provincie Friesland, die per 1 jannewarie 2014 is oontstande oet de opgelufde gemeintes Gaasterland-Sloten (Gaasterlân-Sleat), Lemsterland, Scharsterland (Skarsterlân) en e klei stökske vaan Boornsterhem (Boarnsterhim). De Friese naom is sinds 1 juli 2015 officieel.

Kerne[bewirk | brón bewèrke]

De gemeinte besteit oet väöl tientalle kerne: Akmarijp (Eakmaryp), Bakhuizen (Bakhuzen), Balk, Bantega (Bantegea), Boornzwaag (Boarnsweach), Broek (De Broek), Delfstrahuizen (Dolsterhuzen), Dijken (Diken), Doniaga (Dunegea), Echten (Ychten), Echtenerbrug (Ychtenbrêge), Eesterga/Follega (Jistergea/Follegea), Elahuizen (Ealahuzen), Goingarijp (Goiïngaryp), Harich, Haskerhorne (Haskerhoarne), Idskenshuizen (Jiskenshuzen), Joure (De Jouwer, hoofplaots), Kolderwolde (Kolderwâlde), Langweer (Langwar), Legemeer (Legemar), Lemmer (De Lemmer), Mirns (Murns), Nijehaske, Nijemirdum (Nijemardum), Oldeouwer (Alde Ouwer), Oosterzee (Eastersee), Oudega (Aldegea), Oudemirdum (Aldemardum), Rijs (Riis), Rohel (Reahel), Rotstergaast, Rotsterhaule, Rottum, Ruigahuizen (Rûgehuzen), Scharsterbrug (Skarsterbrêge), Sint Nicolaasga (Sint Nyk), Sintjohannesga (Sintjânsgea), Sloten (Sleat), Snikzwaag (Sniksweach), Sondel, Terhorne (Terherne), Terkaple, Teroele, Tjerkgaast (Tsjerkgaast), Velingsoord (Velingsoard) en Wijckel (Wikel).

In Lemsterland en Scharsterland waore de Nederlandse naome officieel (zeker, oondaanks tot Scharsterland officieel 'ne Friese naom had). Boornsterhem en Gaasterland-Sloten hantere evels de Fries plaotsnaome; in de ierste gemeinte waore de plaotsnaomsjèlder zelfs eintaoleg Fries. De Friese plaotsnaome oet die gemeintes zien heibove vet cursief gedrök.

Insignes[bewirk | brón bewèrke]

De gemeinte De Friese Meren dreug (sinds 6 jannewarie 2015)[3] e waope wat ziech zoe liet umsjrieve:

Golvend doorsnoje: I. in goud 'ne springenden haos vaan keel (roed); II. in lazuur (blauw) 'ne rieksappel vaan goud. 't Sjèld gedèk mèt 'n gouwe kroen vaan drei blaajer en twie kier drei perele.[4]

D'n haos kaom veur in de waopes vaan zoewel Haskerland es Gaasterland, gemeintes die in 1984 opgónge in respectievelek Scharsterland en Gaasterland-Sloten. Ouch die waopes hadde deen haos weer. De rieksappel kump veur in de waopes vaan Lemsterland (umhoeg) en Doniawerstal (umlieg). Dees lèste gemeinte góng in 1984 in Scharsterland op, welke gemeinte neve de geneumden haos ouch dee rieksappel droog. Mèt de sumpel combinatie die 't waope vaan De Friese Meren beit, zien alle aw bestuurseinhede op Sloten nao vertrooje.

't Veendel is gebaseerd op de kleure en symbole vaan 't waope. De gemeinte zelf, die dit symbool op 17 december 2014 vaslag, gief evels symbolische invölling draon: blauw steit veur de mere, geel veur de hoegergelege zandgrun en wit veur de 'weidse loch'. De springenden haos weurt es symbool vaan vrijheid geïnterpreteerd.[5]

Politiek[bewirk | brón bewèrke]

Op 13 november 2013 woorte veur de nui gemeinte verkezinge gehawwe, mèt de volgenden oetslaag:

Partij Stumme Percint Zedele
FNP 5883 28,45% 9
CDA 4823 23,32% 8
PvdA 2555 12,35% 4
VVD 2333 11,28% 3
D66 1393 6,74% 2
CU 1183 5,72% 2
NCPN 1174 5,68% 1
GL 743 3,59% 1
NPP 595 2,88% 1

De opkoms bedroog 52,01%.[6]

De gemeinte weurt bestuurd door 'n coalitie vaan FNP en CDA. Dees coalitie heet oonder mie beslote um de naom te goon verandere in De Fryske Marren.[7] E deil vaan de bevolking is ziech daotege goon verzètte, neet in 't minste um de koste die dat weer mèt zouw bringe.[8] Per 1 juni 2015 is de naom officieel veranderd.

Rifferenties[bewirk | brón bewèrke]

  1. De Friese Meren - Contact en openingstijden
  2. Provincie Fryslân - Arie Aalberts waarnemend burgemeester van De Friese Meren
  3. De Friese Meren - Vlag, wapen, hymne en logo
  4. De Friese Meren - Wapen
  5. De Friese Meren - Vlag
  6. De Friese Meren - uitslag verkiezingen
  7. De Friese Meren - naam
  8. Balkster courant - Stichting ‘Vrienden van de Friese Meren’ in actie tegen naamswijziging

Externe link[bewirk | brón bewèrke]

Commons
In de categorie De Friese Meren van Wikimedia Commons zeen media gerelateerd aan dit óngerwerp te vènje
 
Gemeintes Provincie Frieslandj
Vaan van Frieslandj

Achtkarspelen · Ameland · 't Bildt (Het Bildt) · Dantumadeel (Dantumadiel) · Dongeradeel · Ferwerderadeel (Ferwerderadiel) · Franekeradeel · De Friese Meren · Harlingen · Heerenveen · Kollumerland en Nieuwkruisland · Leeuwarden · Leeuwarderadeel · Littenseradeel (Littenseradiel) · Menaldumadeel · Ooststellingwerf · Opsterland · Schiermonnikoog · Smallingerland · Súdwest-Fryslân · Terschelling · Tietjerksteradeel (Tytsjerksteradiel) · Vlieland · Weststellingwerf

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Friese_Meren&oldid=407758"