Gaasterlân-Sleat

Van Wikipedia
(Doorverweze van Gaasterland-Sloten)
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Gaasterland-Sloten (Gaasterlân-Sleat)
Gewaeze gemeinte in Nederlandj

Veendel vaan Gaasterland-Sloten

Waope vaan Gaasterland-Sloten

Ligking vaan Gaasterland-Sloten in Friesland (situatie 2009).

Gevörmp 1984
Opgehaeve 2014
Opgegange in De Friese Meren
Provincie Friesland
Hoofplaats Balk
Opperflaakde (bie opluffing) 209,43 km²
– daovan water: 114,10 km²
Inwoeners (kort veur opluffing) 10.200
deechde: 107/km²
Lies van börgemeisters

Gaasterland-Sloten (Fries, officieel, Gaasterlân-Sleat) is 'n veurmaolege gemeinte in de Nederlandse provincie Friesland, in de zuidweshook, mèt bij häör oplufting good 10.000 inwoeners en 'n oppervlak vaan 209,43 km² (daovaan 114,10 km² water). De gemeinte bestoont oet 't stedsje Sloten (Sleat) en de dörper Bakhuizen (Bakhuzen), Balk, Elahuizen (Ealahuzen), Harich, Kolderwolde (Kolderwâlde), Mirns (Murns), Nijemirdum (Nijemardum), Oudega (Aldegea), Oudemirdum (Aldemardum), Rijs (Riis), Ruigahuizen (Rûgehuzen), Sondel en Wijckel (Wikel). De Friese naome zien officieel en stoon bovenaon op de plaotsnaomsjèldsjes. 't Dörp Balk waor de hoofplaots.

De gemeinte is op 1 jannewarie 1984 oontstande oet de aw stad Sloten en de aw grietenij Gaasterland. Tot juni 1985 waor de naom vaan dees nui gemeinte ouch Gaasterland. Op 1 jannewarie 2014 is ze mèt Lemsterland en Scharsterland (Skarsterlân) gefuseerd tot de nui gemeinte De Friese Meren.

Waope[bewirk | brón bewèrke]

't Waope woort op 28 jannewarie 1986 door d'n Hoege Raod vaan Adel touwgekind en liet ziech es volg umsjrieve:

In lazuur (blauw) 'ne springenden haos vaan keel (roed), goonde euver vief korenaore vaan goud (geel), wejjersgewijs koumend oet 'ne geboge sjèldvoot, doorsnoje vaan sinopel (greun) en goud, 't goud belaoje vaan 'ne sleutel vaan lazuur, de baard nao rechs (veur de beziener links) en nao bove geriech. 't Sjèld gedèk mèt 'n kroen vaan drei blajer en twie kier drei perele.

Dit waope is 't aajd waope vaan Gaasterland, vermierderd mèt de sleutel vaan Sloten.[1]

Rifferenties[bewirk | brón bewèrke]

  1. Heraldrywiki - Gaasterlân-Sleat

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Gaasterlân-Sleat&oldid=431421"