Lemsterland

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Lemsterland
Gewaeze gemeinte in Nederlandj

Gevörmp

Opgehaeve

Opgegange in

Hoofplaats

Opperflaakde (bie opluffing)

124,34 km²

– daovan water:

48,41 km²

Inwoeners (kort veur opluffing)

13.561 (1-8-2013)

– deechde:

179/km²

Lies van börgemeisters

Lemsterland (Fries Lemsterlân, Stellingwerfs Lemsterlaand) is 'n geweze gemeinte in de Nederlandse provincie Friesland, in de Zuidhook, aon 't IJsselmeer, mèt 'n oppervlak vaan 124,34 km² (daovaan 48,41 km² water) en per 1 januari 2007 13.437 inwoeners. De gemeinte umvatde de kerne Bantega (Bantegea, Bantege), Delfstrahuizen (Dolsterhuzen, Delfstrehuzen), Echten (Ychten, Echten), Echtenerbrug (Ychtenbrêge, Echtenerbrogge), Eesterga/Follega (Jistergea, Follegea; Eesterge, Follege), Lemmer (De Lemmer; hoofplaots) en Oosterzee (Eastersee).

Taol

De Nederlandse naom zien officieel; tösse häökskes stoon nao-ein de Friese en Stellingwerfse naome. 't Boetegebeed vaan Lemsterland waor naomelek vaanaajds Stellingwerfstaoleg, umtot 't door Giethoorners verveend woort en umtot 't tege de Stellingwerve aonligk. Vaandaog d'n daag is 't gebied bekans gans Friestaoleg, mèt zeker in Lemmer (mèt mie es 10.000 inwoeners wiedoet de groetste plaots in de gemeinte) väöl Nederlandstaolege. De Lemsters spreke um perceis te zien 't Zuidweshooks dialek vaan 't Fries.

Monuminte

Bij Lemmer steit 't Ir. Woudagemaal, wat op de Werelderfgoodlies vaan de UNESCO is opgenómme. Dit stoomgemaal deit bij oetzunderlek hoeg water nog ummer deens. In totaol kint de gemeinte 43 rieksmonuminte.^[1]

Waope

Op 25 miert 1818 woort Lemsterland door d'n Hoege Raod vaan Adel bevesteg in 't gebruuk vaan 't volgend waope:

Vaan zèlver (wit) belaoje mèt 'nen erm vaan keel (roed) koumend vaan de rechterkant vaan 't sjèld (veur de beziener links), dragend op zien hand 'ne wereldkloet vaan goud. 't Sjèld gedèk mèt 'n kroen vaan goud.

Neet besjreve is tot de haand vaan natuurleke kleur is, tot de wereldkloet 'ne rieksappel is en tot de kroen drei blaajer en 2x3 perele heet.^[2]

Economie

Bestoonsmiddele in Lemsterland zien veural de landbouw en 't toerisme (watersport).

Historie

Es ein vaan de 30 grietenije besteit Lemsterland al vaanajds es bestuurseinheid; wel woort 't in 1984 oetgebreid mèt deile vaan de toen opgelufde gemeinte Haskerland. Op 1 jannewarie 2014 is Lemsterland, same mèt Gaasterland-Sloten (Gaasterlân-Sleat) en Scharsterland (Skarsterlân), opgegaange in de nui gevörmde gemeinte De Friese Meren.

Rifferenties

Extern links

[1] Rijksdienst voor het cultureel erfgoed - Monumentenregister - Lemsterland

[2] Heraldrywiki - Lemsterland

[1]

[2]