Ooststellingwerf

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Ooststellingwerf in Friesland

Ooststellingwerf (Fries: Eaststellingwerf, Stellingwerfs: Ooststellingwarf of Stellingwarfs-Oostaende) is 'n gemeinte in de Nederlandse provincie Friesland, tege de grens mèt Drenthe, te noordooste vaan Weststellingwerf (boemèt 't de Stellingwerve vörmp). De gemeinte heet 'n oppervlak vaan 226,08 km² (daovaan 1,70 km² water) en had per 1 januari 2007 26.229 inwoeners. De kerne zien: Appelscha (Appelskea, Appelsche), Donkerbroek, Elsloo (Friesland) (Elslo, Else), Fochteloo (De Fochtel), Haule (De Haule), Haulerwijk (Haulerwyk, Haulerwiek), Langedijke (Langedike, Langedieke), Makkinga (Makkingea, Makkinge), Nijeberkoop (Nijeberkeap, Ni'jberkoop), Oldeberkoop (Aldeberkeap, Berkoop), Oosterwolde (Easterwâld, Oosterwoolde), Ravenswoud (Ravenswâld, Raevenswoold) en Waskemeer (Waskemar, Waskemeer) en nog tientalle naobersjappe. Hoofplaots en mèt haos 10.000 inwoeners de groetste plaots is Oosterwolde. De Nederlandse naome zien officieel. De naome tösse häökskes zien respectievelek Fries en Stellingwerfs. 't Stellingwerfs, e Nedersaksisch dialek, weurt in de ganse gemeinte gesproke; allein de veenoontginnigsdörper Haulerwijk en Waskemeer zien Friestaoleg. De plaotsnaomsjèlder zien in de ganse gemeinte eintaoleg Nederlands.

Politicus en veurmaolege Nederlandse minister, Halbe Zijlstra, waor hei gebore op 21 jannewarie 1969.

Externe link

• Website vaan de gemeinte