Corsica

Van Wikipedia

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


Vlag van Corsica
Vlag van Corsica
Waope van Corsica
Waope van Corsica
Lokasie van Corsica
Lokasie van Corsica

Corsica (Frans: Corse) is 'n eiland in de Middellandse Zieë. 't Is ein van de regio's van Frankriek en 't besteit oet twie departemente: Haute-Corse en Corse-du-Sud. Corsica leet tösse 't Italiaanse eiland Sardinië en d'n Italiaanse regio Ligurië op 't vasteland van Italië. 't Leet 180 km ten zuuje van 't Franse vasteland. 't Eiland is 8720 km² groeët en is daomei 't groeëtste eiland van Frankriek en nao Sicilië, Sardinië en Cyprus 't groeëtste in de Middellandse Zieë. Corsica haet ongevier 300.000 inwoeëners, waovan d'r 100.000 in de twieë groeëtste steeje woeëne: in Ajaccio (hoofdstad) en Bastia.

Geografie[bewirk | brón bewèrke]

Corsica haet huul vuul berge en de twieë hoegste punte zien Monte Cinto (2706 m) en Monte Rotondo (2622 m). Corsica is, umdet 't zoe bergachtig is, dunbevolkt. In 't nordoeëste van 't eiland is 'n nationaal park, d'r staon dao huul vuul zeldzame plantesoorte.

Toerisme[bewirk | brón bewèrke]

't Toerisme is veur Corsica hièl belangriek veur de inkomste. Toeristische trekpleisters op Corsica zien onder andere ut UNESCO erfgood natuurreservaat Scandola en Calanches de Piana, ma auk de Genuese tóres en brugge, berge as Col de Bavella en Monte Cinto, 't aldheidkundig park Filitosa en de vule stedjes met burchte, kastieële en citadelle als Ajaccio, Bonifacio, Calvi en Corte. Verder zien d'r wereldberoemde wandelinge te doon, zoeas de GR20 en de Mare e Monti. D'r zien 230 campings, van zeer mekkelik tot huul luxueus met vuul veurzieninge. Verder zien d'r auk vuul vakantieparke, appartemente en hotels.

Economie[bewirk | brón bewèrke]

Corsica produceert vuul wien en steit auk bekend um eur schaope- en geiteteelt. De bekendste schaopekieëze van Corsica zien de Broccio en de Niolo. Ut behuert tot de meist toeristische gebiede van gans Frankriek.

Klimaat[bewirk | brón bewèrke]

Corsica haet un Middellandse Zieëklimaat, wat auk neet gek is, met heite, druege zomers en milde naate winters. D'n gemiddelde temperatuur in juli is 29 graad, ma de gemiddelde temperatuur in jannewarie is maar 14 graad. De jaorlikse neerslaag is zon 600 mm langs de kûs tot 1200 mm of zellufs mieër in ut binneland. In het binneland zien d'r op de hoeëge deile jaorliks zon 90 daag met sniej.

Spelling[bewirk | brón bewèrke]

In ut Limburgs kin Corsica op huul vuul verschillende maniere geschreve waere. O.a. as Corsica, Korsika, Corsika, Korsica, Corse, Korze, Korse, Corze, Corzica, Corzika, Korzika, Korzica.

Zoewel Napoléon I vaan Fraankriek es ziene broor Louis Napoléon Bonaparte (Keuning vaan Holland) zien hei in de late 18e iew gebore.

 
Veurmalige regio's in Frankriek

Alsace | Aquitaine | Auvergne | Bourgogne | Bretagne | Centre | Champagne-Ardenne | Corsica | Franche-Comté | Île-de-France | Languedoc-Roussillon | Limousin | Lorraine | Midi-Pyrénées | Nord-Pas-de-Calais | Basse-Normandie | Haute-Normandie | Pays de la Loire | Picardie | Poitou-Charentes | Provence-Alpes-Côte d'Azur | Rhône-Alpes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Corsica&oldid=446831"