Colmar

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Colmar op de kaart van Frankriek
Colmar
Colmar
Colmar op de kaart van Frankriek


Colmar (Elzassisch: Colmer, Duutsj: Kolmar) ies 'n sjtad en gemeinte in 't Oas-Franse departemint Haut-Rhin, in 't noordoaste van de Franse regio Grand Est en 't noorde van de historische regio de Elzas. Ze ies de driede groatse gemeinte van de Ezlas, nao Sjtraasburg en Mulhouse, en ies de houfplaats (prefecture) van 't departemint Haut-Rhin en (subprefecture) vaan 't Arrondissemint Colmar-Ribeauvillé.

Ze haw in 2017 69.105 inweuners op 'n oppervlaak van 66,57 km2. Daomit haw 't 'n bevoukingsdeechte van 1000/km2.

De sjtad woort hie gesjtiech in de 9e ièw. Op 'n oarkonde oet 823 sjteit de sjtad vermild wie Columbarium, wat op 't Latien doevetore beteikent.

De sjtad ies bekind um häör goodbewaarde binnesjtad (some nao geriffereerd es Klein Venetië) en häör musea (woa-onger 't Unterlindenmuseum, wao 't Isenheim-altaar sjteit).

Zoawie 't groatse gedeilte van de Elzas, ies Colmar (door constant te wissele tusje Duutsj en Frans hièrsjap, 'n cultureel misjmasj tusje Oas-Franse en Wes-Pruusje cultuur. Väöl belangrieke Duutsje historische figure, wie de 15e ièwse kunsteneer Albrecht Dürer, höbbe in Colmar gewoond. Door häör Duutsje culturele insjlaag weurt d'r allewiel nog altied door 'n deil van de bevouking Duutsj gekald neve Frans. 't Plaatselek dialek ies, zjuus wie in Sjtraasburg, Elzassisch: 'n variant van 't Allemanisch.

Colmar ies gesitueerd op de Elzassische Wienroute en prizzenteert ziech in de toeristische sektor diks es de "Elzasser wienhoufsjtad" (capitale des vins d'Alsace of Elsässer Weinhauptstadt).

 
Departemente in de Elzas
Vaan van de Elzas

Bas-Rhin (hoofplaats: Sjtraasburg) · Haut-Rhin (hoofplaats: Colmar)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Colmar&oldid=446767"