Catterino Cavos

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Catterino Cavos

Catterino Cavos (30 oktober 1775, Venetië - 10 mei 1840, Sint-Petersbörg), op 't Rössisch beter bekind es Катерино Альбертович Ка́вос ofwel Katerino Al'bertovič Kávos en gebore es Catarino Camillo Cavos, is 'nen Venetiaonse es-ouch Rössische komponis, derigent, organis en mezieklieraar. Heer speulde 'ne veuraonstaonde rol in de oontwikkeling vaan de klassieke meziek en theater in Rösland; in 't speciaal de Rössische opera en in 't algemein de ganse moderne kuns [1] .

Cavos' invloojriekste operi waore Il'â-Bogatyr' (Илья-Богатырь; oet 1807) en Ivan Susanin (Иван Сусанин; oet 1815). Dees opera weurt door versjèllende Röslandhistorici gezeen es 't wèrk wat de toen zaw zètte veur kommend operi in de moderne Rössiche meziek [1] [2]. Zoewie väöl vaan hun opvolgers is zien operi combinaties vaan typische Rössische en Oekraïense volksmeziek en Wes-Europese operameziek. Cavos waor daoneve de lieraar vaan versjèllende later belaangrieke Rössische komponiste. De bekènste daovaan is Michail Glinka, dee veural erkènning kraog mèt zien eige versie vaan Ivan Susanin. Glinka's versie zaw oetindelek de historie ingaon es de staandert Ivan Susanin-opera. Ouch zaw Glinka's opera bekènd staon in Rösland, mèt naome bij nationaliste, es de ierste opera in 't kanon vaan riechtege Rössische operettes[2]. De ironie is dus tot de 'riechtege' Rössiche operameziek, en mesjiens zelfs hoege kuns, begós mèt 'ne boetelender dee veur d'n iierste kier begos te expirimentere mèt 't combinere vaan Rössische volksmeziek en Europese klassieke meziek.

Rifferenties[bewirk | brón bewèrke]

  1. 1,0 1,1 Rössischtaolege versie vaan dit Wikipedia artikel
  2. 2,0 2,1 Figes, O.; Natasha's Dance (Picador, 2002), p. 41
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Catterino_Cavos&oldid=434160"