Briej

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Sinte Briej op 'n glaas-in-loadvènster in de St. Joseph Catholic Church in Macon, Georgia (VS)
't Kruus van Seent Briej

Sinte Briej (Nederlands: Brigida van Kildare) ies 'n Ierse volksheilige. Zoawaal in Norbik es in Middelar bie Mook ies de parochiekèrk aan häör gewiejd. Hie bevinge ziech ouch relieke. Ter ière van deze heilige weure baevaarte gehoute.

Gesjiedenis[bewirk | brontekst bewerken]

Rónd 't jaor 453 weurt Brigida gebore in Faughart in Ierland. In 523 sjtörf ze in Kildare. Zie ies de knappe dochter van de leider van de sjtam Leinster. Es häöre vader häör probeert oet te huwelike baejt ze um lièlik te weure. Dat gebeurt dan ouch en zie sjtiech daonao 't allerièrsjte kloaster in Ierland: Kildare.

Abdis Brigida en de ander zuustersj reikden 'n helpende hand aan de missionarisse, die volgelinge waore van de heilige Patrick.

Legendes[bewirk | brontekst bewerken]

Van Sinte Briej zint väöl wónderverhaole en legendes bekènd. Zoa zou edere boum dae zie aanraakde metein in de bleuj goon. Waarsjienlik zint ouch elemente oet 't leve van de Keltische godin Brigantia later aan Brigida toegesjreve. Briej weurt ouch waal Mary of the Gael geneump ofwaal Maria van de Kelte. Kiek och: Keltische fees-daag.

In Limburg[bewirk | brontekst bewerken]

In Limburg ies Sinte Briej veural bekènd es patroanheilige van 't viè. Daorum weurt ze ummer aafgebeeld mèt dere aan häör veut. Op 1 februari weurt häöre fièsdaag gevierd in de katholieke kèrk, bieveurbeeld in Norbik. Dao weurt dan water en broad gezegend, dat de boere wir aan 't viè vore. Vanoet Wittem vertrèk op dae daag 'n boetebaevaart nao Norbik. Op de twiède zaoterdeg nao Paosje weurt in Norbik de Brigidaden geplant. In 't gehuch De Wesj bevink ziech de Brigidabrón.

Commons
Op de pazjena Briej van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Briej&oldid=349609"