Brändö

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Brändö in Finlandj.

Brändö is 'n eilandj en gemèndje in Ålandj, Finlandj. Karakteristiek veur Brändö is det 't 'n vergaoring van eilenj is die zeen verbónje via brögken en dieke. De gemèndje haw op 465 inweuners op 31 mieërt 2016 en 'n landjoppervlakdje van 107,88 km², van 'n totaal (inclusief water) 1.643,06 km². De bevoukingsdiekdje is 4,3 luuj de km².

De St.-Jakobskirk in Brändö.

Bezeenswaerdig is de St.-Jakobskirk, of eigentlik ieëre 'n kepel. Dees is 'n houter kirk die op 22 oktoeaber 1893 woort gewiedj aan Jacobus d'n Eljere. Biezunjer opmirkelik is 't vleugelaltjer oete midde vanne dertieëndjen ieëf, det de Kruuening van Maria veurstèltj.

De bewóndje eilenj van de gemèndje zeen: Jurmo, Åva, Brändö ('t houfeilandj), Baggholma, Björnholma, Fiskö (inclusief Nötholma), Korsö, Torsholma, Lappo en Asterholma. Inkel anger, ónbewóndje eilenj in de gemèndje die 'n get grótter oppervlakdje höbbe zeen: Degerbrok, Gunnarsten, Hullberga, Lillklyndan, Långbrok, Nottö, Porsskär, Snöbådan, Storklyndan en Salungarna.

De gemèndje is einspraokig Zweeds. De gemèndjecode is 035.

Demografie[bewirk | brón bewèrke]

In 2008 woor de laeftiedsverdeiling van de bevouking es völg:

  • 0 toet 14: 17,7%
  • 15 toet 64: 64,3%
  • 65 en ajer: 18%

De spraokverdeiling woor in 2008 det 84,6% vanne bevouking 't Zweeds es ieëste spraok haw; 11,8% haw 't Fins es ieëste spraok en 3,7% haw 'n anger ieëste spraok. Hie-ónger völg de demografische óntwikkeling vanaaf 1980.

1980 1985 1990 1995 2000 2005 2010 2013
550 528 529 548 514 519 488 476
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Brändö&oldid=419695"