Eilandj

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


'n Eilandj is 'n landjoppervlakdje die aan alskantje is ómringk door water, meh kleinder is es e kóntinent en grótter es 'ne rots of 'ne zandjbank. 'n Eilandj kan zowaal in 'n zieë, es e maer of 'n reveer ligke.

Saorte[bewirk | brón bewèrke]

E getieje-eilandj is 'n eilandj det bie eb bereikbaart is euver 't landj en bie vlood wuuertj ómringk door water, wie Mont Saint-Michel in Frankriek. E sjiereilandj is 'n landjoppervlakdje die via 'n landjingdje mit 't vastelandj verbónjen is.

Veure ummer aangreujendje en aafkalvendje Waddeneilenj geldj det 'nen aangegreujdje zandjbank 'n eilandj moog waere geneump es inimaal 160 hektaar bie gemiddeldj hoeag water neet wuuertj euverspeuldj door 't water vanne Naordzieë.

Algemein wuuertj geaccepteerdj det Gruuenlandj (mit 'n oppervlakdje van 2.166.086 km²) 't grótste eilandj oppe werreld is. Australië wuuertj gezeen es e kóntinent; waere 't es 'n eilandj gezeen, den zów 't mit 'n oppervlakdje van 7.686.850 km² 't grótste eilandj oppe werreld zeen.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Eilandj&oldid=367655"