Bondskanseleer van Duutsjland

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Bundeskanzlerin Angela Merkel in 2019

De Bundeskanzler of Bondskanseleer van Duutsjland ies 't regeringshouf van de Bondsrippebliek Duutsjland. De vrouwelike vörm van 'ne bondskanseleer is op 't Duutsj 'n Bundeskanzlerin. De Bondskanseleer en de Bundesminister, of Bondsministers, zint same de Duutsje bondsregering. De bondskanseleer besjtömp de riechliene van de polletiek. In de praktiek moet 'ne bondskansleer ivvels altied de veursjtille van zien eige partie en ziene coalitiepartner mitnumme in besjliesinge, umdat de partie en de coalitiepartner(s) d'r altied veur kinne keze um de bondskanseleer neet miè te sjteune.

De Bondskanseleer weurt nao suggestie van de Prizzedent van Duutsjland googekeurd door de Bundestag: 't Duutsj Parlemint. De Bondskansleer sjtilt de Bondsministers veur aan d'n Duutsje Prizzedent. Zonger mitwirking van de Prizzedent, kin de Bondskansleer gein regering mèt ministers vörme.

De Bondskanseleer gilt es de polletiek mechtigsten Duutsjen amsdrager.Me sjprik soms dan ouch van 'n Kanzlerdemokratie. Heer sjteit ivvels in de Duutsje protokollaarse rangvolgorde náó de Bondspresident (es sjtaatshouf, ofweel Staatsoberhaupt), zoawie de Bundestagspräsident - ofwaal de parlemintsveurzitter - náó de Bondskanseleer kump en dus op de driede plek sjteit.

De amterende Bundeskanzlerin ies saer 22 november 2005 Angela Merkel, van de christendemocratische CDU. Zie is d'n achste bondskanseleer van Duutsjland.

Anger bonskanselere[bewirk | brón bewèrke]

Neet allein Duutsjland haet 'ne bondskanseleer. Ouch naoberland Oasteriek haet 'ne bondskanseleer: de bondskanseleer van Oasteriek. Ouch hae ies regeringshouf en haet vergeliekbaar verantweurdelekheie wie d'n Duutsje bondskanseleer. De Bondskanseleer van Zjweitserland besjteit ouch mer is gei regeringshouf van Zjweitserland.

Lies van Bondskanselere van de Duutjse Bondsrippebliek[bewirk | brón bewèrke]

Veur alle kanselere van Duutsje grondgebeje, betrach: Lies van kanselere van Duutsland
  1. Konrad Adenauer (CDU, 1949-1963)
  2. Ludwig Erhard (CDU, 1963-1969)
  3. Kurt Georg Kiesinger (CDU, 1966-1969)
  4. Willy Brandt (SPD, 1969-1974)[1]
  5. Helmut Schmidt (SPD, 1974-1982)
  6. Helmut Kohl (CDU, 1982-1998)
  7. Gerhard Schröder (SPD, 1998-2005)
  8. Angela Merkel (CDU, 2005-2022)

Bron[bewirk | brón bewèrke]

  1. plaatselike vervanger Walter Scheel (1974)