Blauw sjuut

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Blauw sjuut waor de naam van 'n miedelièws gezelsjap dat ziech tuènde in ironie en sjpot, zoawie ouch de blauw sjuut zelf 'n veurbeeld ies van 'n óndudelik verveurmiedel, woabie me ziech kènt aafvraoge of 't 'n kar of e sjeep ies. Aan boord zoot 'ne ermen haus op 'n troan, dae oetbundig ge-ièrd woort, d'n umgekièrde waereld dus.

Etymologie[bewirk | brón bewèrke]

De naam kump oet 't Latien, carrus navalis, wat karresjeep beteikent. Dit sjeep mèt raar koes euver 't land vare. Traditioneel gebeurde dat in de optochte die ter ière van 't begin van de lente woort gehoute. Daorum weurt 't ouch waal ins verwieseld mèt de beteikenis van carnaval, dat van carne-vale ( vaarwel aan 't vleisj) zou sjtamme. Carnaval waor in de zevetiènde ièw in Europa de benaming van de fièste die veuraafgoon aan de vaste. Ein van die festiviteite waor 'n sjeepskar die door de sjtraote woort getrokke, mèt aan boord vermómde fièsvierdersj. Eind fibberwarie woort ter ière van Dionysus of Bacchus, god van de wien, ouch 'n driedaags fiès gevierd. De kèrk haet dees heidense utinge verbónge tot 't fiès van vastenaovend.

De Blauw sjuut van Heerle[bewirk | brón bewèrke]

Allewiel ies 't trèkke van de Blauw sjuut oet Heerle 'n traditie in de aanloup nao carnaval. In 1949 sjtarde vanoet de carnavalsvereiniging de Winkbülle, um ziech te óndersjeie van de ander carnavalsvereiniginge in Mestreech, Zitterd, Valkeberg, Aoke en Kölle, de Blauw sjuut mèt róndvaarte door Zuud-Limburg. Me houw dat aafgekeke van 'ne sjeepswage, dae in 1133 door 'ne boer oet Kornelimünster waor geboewd en dae van Aoke via Mestreech, Tongere en St.Truiden nao Zoutleeuw woort getrokke. Woa de sjuut aanlag óntsjtonge d'r wil fièste. Es 't gilde van de Blauw sjuut oet Heerle noe mèt de sjuut in sjtad of dörp aanlek of langskump, onder 't motto: 'Ad Narragoniam', mèt sjpas, humor en satire de grenze laote vervage en de luuj bie-ein bringe, zint de drie döl daag (zóndig, maondig en dinsdig van de carnaval) in 't ziech en kènt me ziech goon opmake veur de carnaval.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Blauw_sjuut&oldid=254072"