Benjamin Lee Whorf

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Benjamein Lee Whorf (24 april 1897, Winthrop, Massachusetts - 26 juli 1941, Hartford, Connecticut) waas 'ne Amerikaanse spraokkundige. Hae is veural bekandj veure samewirking mit EDward Sapir enne dao-oet óntstange Sapir-Whorfhypothees.

Biografie[bewirk | brón bewèrke]

Whorf deej 't egkzame veur inzjenjäör op 't Massachusetts Institute of Technologie in 1918 en begós drek daorop te wirke bieje brandjbeveiliging bie 't Hartyford Fire Insurance Company. In daen tied verdeepdje d'r zich inne spraokkónde enne antropologie. In 1931 begós t'r spraokkónde te studeren oppe Yale-universiteit en troch t'r al gaw de intres van Edward Sapir, dae 'm zien steun gaaf veur 't doorzitte vanne akkedemisch studie. In 1936 woort Whorf beneump toet Honorary Research Fellow inne antropologie bie Yale. In 1937 óntvóng d'r dao Sterling Fellowship. Toet 1938 bleef t'r antropologie óngerwieze, meh daorop kreeg t'r gezóndjheidsperbleme.

Baoven al kaldje Whorf zien óngerzeuk vanne indianespraoke zich róndj; veural zien studie vanne Hopi-spraok woorten hieël väöl opgemirk. Hiedoor lag t'r zie prinsiep veur vanne spraokkundige relativiteit en kónstateerdje d'r det de Hopi-spraok mankaasjen haw aan e deil wäörd, oetdrökkingen en spraokstrukture veur tiedsbepaoling, wie vergangen tied, noetied of kómmendjen tied.De Sapir-Whorfhypothees hanjeltj zich óm wie spraok invlood haet oppe dinkwies van luuj. Volges de theorie bewirk de spraok de gedachtes van 'ne spraeker en bewirk de spraokstruktuur zelf de cognitie ('t kinvermeuge).

Hae sjreef ouch de grammaer oet veure Hopi-spraok en deej óngerzeuk nao versjillige dialekte van 't Nahuatl (de spraok vanne aaj Azteke).

Whorf stórf in 1941 aan kanker. Zie bekandjste book, Language, Thought, and Reality, 'n vergaring van zie werk, woort postuum in 1956 oetgegaeve.

Selectie vanne biografie[bewirk | brón bewèrke]

  • Whorf, Benjamin Lee [1933] (1975). The Phonetic Value of Certain Characters in Maya Writing. Millwood, N.Y.: Krauss Reprint.
  • Whorf, Benjamin Lee [1942] (1970). Maya Hieroglyphs: An Extract from the Annual Report of the Smithsonian Institution for 1941. Seattle: Shorey Book Store. ISBN 0-8466-0122-2.
  • Whorf, Benjamin Lee (1943). Loan-words in Ancient Mexico. New Orleans: Tulane University of Louisiana.
  • Carroll, John B. (ed.) [1956] (1997). Language, Thought, and Reality: Selected Writings of Benjamin Lee Whorf. Cambridge, Mass.: Technology Press of Massachusetts Institute of Technology. ISBN 0-262-73006-5.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Benjamin_Lee_Whorf&oldid=443317"