Massachusetts

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Veendel vaan Massachusetts

Massachusetts en de res vaan Amerika

Massachusetts is ein vaan de staote vaan de VS en ligk in de regio Nui Ingeland. De bijnaom vaan de staot is de "Bay State" ("baojstaot"), nao Massachusetts Bay, 't deil vaan d'n Atlantischen Oceaan veur de kös vaan Massachusetts. De standaardaofkorting is MA. De hoofstad is Boston.

De naom

De officieel benaoming is "Commonwealth of Massachusetts", nao de naom vaan de oersprunkeleke kolonie veur de Amerikaanse Oonaofhenkelekheidsverklaoring. "Commonwealth" ouch wel "gemenebest" heet allein beteikenis es deil vaan de naom; 't verandert niks aon de status vaan Massachusetts es 'ne staot vaan de VS. De naom Massachusetts zou aofkomstig zien vaan 't Indiaanse Massa-dchu-es-at, of "groete heuvel, klein plaots".

Geografie

De staot heet 'n oppervlak vaan 27.360 km², boevaan 20.317 km² land. Heimèt is 't ein vaan de kleinste staote. 't Hoegste punt vaan Massachusetts is Mount Greylock (1063 m). Massachusetts ligk in de Eastern-tiedzone.

Massachusetts grens in 't noorde aon New Hampshire en Vermont, in 't weste aon New York en in 't zuie aon Connecticut en Rhode Island.

't Klimaat vaan Massachusetts is e keul landklimaat, en is 't bèste te vergelieke mèt dat vaan Zwede.

• 
  Mount Greylock
• 
  Lexington Common
• 
  Boston