Belvend

Dit artikel is gesjreve (of begós) in 't Belvends. Laes hie wie v'r mit de versjillende saorte Limburgs ómgaon.

---

Belvend (Belfeld) Gewaeze gemeinte in Nederlandj
Gevörmp	?
Opgehaeve	2001
Opgegange in	Venlo
Provincie	Nederlands Limbörg
Hoofplaats	Belvend
Opperflaakde (bie opluffing)	13,95 km²
– daovan water:	0,35 km²
Inwoeners (kort veur opluffing)	4.295 (1971)
– deechde:	308/km²
Lies van börgemeisters

Belvend (Nederlands: Belfeld) is ein dörp in de Nederlands-Limburgse gemeinte Venlo, ten zude van Tegele en Sjteil, mit ungevaer 5.500 inwoeëners.

De aads bekende vermelding van Belvend stamp oët 1326, in de akte wao in hier Gerhard van Zjwame weurt gedwonge aafsjtank te doon van ziën bezittinge beej 't Belven. De platte naam pareert dus baeter mit de historische naam as de officiële naam; umdet 't naamsdeil veld volksetymologisch is. Vanaaf de zestiende iew is Belvend verdeild in dreej rotte: dreej naobersjappe die same Belvend vôrme. Dit zien Belvend-dörp, Geloë en 't Brook. Geloë waar belangriek groëter as Belvend-dörp, wat aan de Maas loog.

In 1817 kreeg de gemeinte Belvend, conform 't Congres van Wene, ein sjtök grónk van Kaldekerke d'r beej, wat tot dan toe dus aan Pruse had behuurd. Nao 1900 ging Belvend zich langkzaam modernisere, waodoor 't aad dörp eindelik begos te greuje. In 1944 woort de aaj dörpskern sjterk besjadig, en beej de wederopboew woort besjlote 't dörp t'n oëste van de aaj kern opniej op te boewe. Heejdoor greujde de aaj rotte aanein. In 2001 woort de gemeinte Belvend aan Venlo touwgevoeg.

Waope

---

De volgende sectie van dit artikel is gesjreve in 't Mestreechs.

---

Belvend kraog relatief laat, op 15 december 1926, e waope touwbedeild vaan d'n Hoege Raod vaan Adel, wat ziech zoe liet umsjrieve:

Gedeild: I. In lazuur (blauw) 'nen dobbelstartegen umgewende liew vaan goud, gekroend vaan 'tzelfde en getongk en genageld vaan keel (roed); II. In goud 'ne liew vaan sabel, getongk en genageld vaan keel; in e hartsjèld vaan lazuur e kestiel mèt twie vaan kruzer veurzeen gekanteelde tories, alles vaan goud, stoonde op d'n top vaan 'ne berg of heuvel vaan 'tzelfde en vergezèld vaan 'n klok (bel) in 't hoof. Sjèldhawwer: d'n H. Urbanus paus, geziech en han vaan natuurleke kleur, gehöld in 'n oonderkleid vaan zèlver (wit) boe-euver 'ne casula vaan keel, aon de zuim geborduurd vaan goud, de kop gedèk mèt de lateren tiara vaan zèlver, mèt drei reipe van goud, en dao-umheer 'ne gouwe nimbus, in de rechterhand drei korenare vaan goud en in de linkerhand e patriarchaol kruus vaan 'tzelfde.

't Hoofsjèld mèt de twie liewe is vaan Gelderland, 't hartsjèld vaan 't Amb Mofert, de bel bove 't kestiel is e sprekend elemint. Belvend vörmde vreuger same mèt Bezel 'ne sjepedeel in 't amb Mofert, wat weer bij 't graofsjap Gelder hoort. Urbanus is de parochieheilege.

Historische inwoeënertalle

Jaor Aantal Greuj (gans Limburg) 1830 448 -- 1840 397 -11,4% (+5,6%) 1849 437 +10,1% (+4,3%) 1859 500 +14,4% (+4,4%) 1869 505 +1,0% (+4,5%) 1879 546 +8,1% (+7,0%) 1889 606 +11,0% (+6,8%) 1899 925 +52,6% (+10,2%)

Jaor Aantal Greuj (gans Limburg) 1909 1.138 +23,0% (+17,8%) 1920 1.486 +30,6% (+32,6%) 1930 1.897 +27,7% (+25,1%) 1947 2.343 +23,5% (+24,2%) 1956 3.082 +31,5% (+27,3%) 1960 3.415 +10,8% (+7,4%) 1971 4.295 +25,8% (+13,9%) 2006 5.450 +26,9%

Opmerking

• In 1970 is 't inwoeënertal op ganse vieftalle aafgerónk.

Rillatief oontwikkeling vaan 1830 tot 1971

(v₁₈₃₀=100)

Greun: Gemeinte Belvend
Blauw: Provincie Limburg