Underste en Bäöveste Meule

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


D'n Underste en d'n Bäöveste Meule zeen twieë bewuuende gebede in 't Jaomerdaal, t'n zuudoëste van de Limburgse stad Venlo. 't Is ein belangriek recreatiegebeed: in d'n Underste Meule is 'n camping en op d'n Bäöveste Meule is 'n hotel en wiejer is 't ein bekind netuurgebeed. D'n buurt leejt op 'ne steilrand, daorum sprik me ouk van 'nen underste en 'nen bäöveste meule. De meiste hoezer stamme oet de dertiger jaore. Wiejer wuuert 't gebeed ingesläöte tösse d'n iezerwaeg nao Remund en Kaldekirke.

Geschiedenis[bewirk | brón bewèrke]

In de Venlose stadsarsjieve wird al vreug 't bestaon van baekskes in 't Jaomerdaal vermèld. Ein van die baekskes struimde in de richting van Tegele, mer door d'n aanleg van twieë watermeules in de vieftieënde iëw, waomit de loup van det baekske woort gerugeleerd, struimde de baek in de richting van 't Kloësterkerteer in 't centrum van Venlo. De hoeëger gelaege Bäöveste Meule hoolde water oét d'n Bäöveste Meuleplas en d'n underste oét d'n Underste Meuleplas. De baek draag t'r plaatse de naam Meulebaek (Molenbeek) en 't haet 'n daal oétgesleite. Dit daal waas ouk de grens tösse 't Hertogdóm Gelder en Hertogdóm Gulik. Einmaol de meules gepasseerd, draag de baek in Venlo-Zuud de naam Sloterbaek en in 't centrum draag 't de naam Groeëte Baek. De baek deende es riool, mer börgemeister Van Rijn makde heej 'n end aan door 'n groeët deil van de loup te dempe.

In 1866 woort in 't Meulebaekdaal d'n iezerwaeg Staatslien G nao Kaldekirke aangeleg.

D'n Bäöveste Meule[bewirk | brón bewèrke]

Dees meule woort door 'n brand in 1902 verweus en twië jäöre later woort 't weer opgeboewd. In 1935 kraog 't geboew 'n horecafunctie: dao kam 'n hotel en 'n restaurant. Vanaaf 1975 is 't hotel van de hotelkete Bilderberg. Dit hotel leejt drèk aan d'n Bäöveste Meuleplas.

D'n Underste Meule[bewirk | brón bewèrke]

D'n Underste Meule is ein van de veer Venlose meules dae nog intak is. Tót 1993 loog aan d'n Underste Meuleplas 'n strandbad. Noe zeen dao hoezer geboewd. De camping besteit evvel nog steits.

De wièk[bewirk | brón bewèrke]

In de gelieknamige 120ha groeëte wièk laeve 120 luuj (104 luuj je kilometer). 5ha besteit oét wateroppervlak. De laeftiedscategorie 45 t/m 64 jäöre is mit 44% van 't totaal aantal inwoeëners 't sterks vertaegewäördig in d'n Underste en Bäöveste Meule. Ouk woeëne heej rilletief vuuel westerse allochtone (17%). Mer 2% is van neet-westerse aafkóms.

Galerie[bewirk | brón bewèrke]

Zeen ouk[bewirk | brón bewèrke]

Externe links[bewirk | brón bewèrke]

Commons
In de categorie Onderste en Bovenste Molen van Wikimedia Commons zeen media gerelateerd aan dit óngerwerp te vènje
 
Gemeinte Venlo
Vaan vabn Venlo
Stad: Venlo
Dörper: Árse · Blierik · Houblierik · Belvend · D'n Bokent · Lóm · Sjteil · Tegele · Velde · 't Ven
Buurtschappe, gehuchte en wieke:

Annakamp · Boleberg · Bong · Brandemeule · Geloë · Geloërveld · Genuuë · Greunveld · Groeët Boller · Hagerbroek · Hagerhaof · Hanik · Hasselt · De Hasselderhei · Hazekamp (Tuindörp (Blierik)) · Hoeëgschoor · Klingerberg · De Krosselt · Leemhors · Lingsfort · De Maagdenberg · Maasveld · Maaswaerd · Meulebös · Meuleveld · Op de Hei · Schandele · Sinselveld · Sint-Josephparochie · Stalberg · De Ticheleri · Underste en Bäöveste Meule · Vaegtes · Vastenaovendkamp · De Veerpaerdjes · Veld · Venlo-Centrum · Vilgert · Vogelhut · De Voort · 't Vorst · De Vossener · Wielderhaof