Velde

Dit artikel is gesjreve (of begós) in 't Veldes. Laes hie wie v'r mit de versjillende saorte Limburgs ómgaon.

Velde (Nederlands: Velden) is 'n dörp in de gemeinte Venlo mit 5.067 inwoeëners (2016). Veur de 20e ieëw laefde 't dörp veural ván landbouw en viëteelt, mar sinds d'r toen in Velde-Oeëst 'n groeëte niejbouwwiek is gekómme, woeëne d'r noow vuuel minse die in Venlo werke. Velde steit bekind um De Gekke Maondaag, dae, ónaafhankelik ván vastelaovend, idder jaor op de maondaag nao 't gildefieës ván St. Sebastianus (20 jannewari) door 't dörp trek.

Historie

Tiedes de Spaanse Successieoeërlog woort Velde ingenaome door Pruusse troepe. Velde huuerde toen tot 1841 beej 't Pruuse deil ván Gelderland. Daonao huuerde 't beej 't Keuninkriek der Nederlande. Daobeej woerde ók de niej grenze gelag mit kanonschaote. Wiewieëd e zuuj kómme, det zuuj de grens zien, maar beej 't Verdraag ván Londen woorte de grenze toch wer verlag.

Veur 2010 huuerde 't dörp beej de gemeinte Árse en Velde, waován 't de groeëtste kern waas.

Bezeenswaardighaede

Beerfontein oppe Mert
Sint-Andreaskerk
Pieterpaad

Locatie

Velde leet aan de Maas, op zo'n twieë kilomaeter aafstand ván de Duitse grens. Ónder andere de volgende gehuchte behure tot Velde: Bong, Hasselderhei, Hasselt, De Krosselt, Schandele, Solingerhoaf, 't Veld, de Vilgert, de Vogelbuurt en 't Vorst.

Trivia

D'r is 'n vaerpont in Velde, dea geit nao Grevors en wir truuk (heen&weer).
De politicus Ger Koopmans is in Velde gebaore.
Velde laet aan de Riekswaeg d'n N271.
Velden is Latien veur duivelsketel.
De buslien 83 verbindt Velde mit Venlo, Gennep en Numwaege.
In Velde wuuert jaorliks 't Top D Tournament SV Velden gehalde, tusse jeugteams ván clubs oet verschillende lend.

Externe link

Velden in Site. Foto's ván de sträöt te Velde