Veldes

Van Wikipedia

Dit artikel is gesjreve (of begós) in 't Veldes. Laes hie wie v'r mit de versjillende saorte Limburgs ómgaon.


't Veldes is 't dialek van Velde, 'n dörp in de gemeinte Venlo. 't Is in groeëte liene geliek aan 't Venloos. D'r zien aevel 'n paar verschille. Velde leet direk baove de uch-lien, zoeëdet de veurwerpsvörm beej geej in dit dörp ów is.[1] De Nederlaandse /a/ in wäörd wie hart wure neet oetgespraoke es [æ ~ ɛ]. De luuj van Velde spraeke dit oet mit 'n lange [ɑ] (wie in 't Ingelse heart), me sprèk dus van 'n <hârt> en neet van 'n <hert>. Klinkers zien dök langer as in 't Venloos, wie in mier dörper róntenum Venlo; 'n <vlag> heit 'n <vlaag>. Same mit Venlo, Blierik, Bree, Zaerem, Grevors, Árse en Lóm leet Velde in 't mich-kerteer: dat wil zegge dat me <ik> en <ók> taegeneuver mich en dich kint. Beej 't wäördje ók behèlt 't Venloos d'n diftong; in dit dialek zaet me <ouk>.

't Veldes wuurt steids mier verdrónge door 't Venloos. Dat kump doordat vuuel Venlonaere in Velde woeëne.[2] De Stichting Veldese Volkskultuur perbeert 't dialek laevendig te halde. In 2015 woort 'n Veldes-Nederlands waordebaok oetgegaeve.

Extern linke[bewirk | brón bewèrke]

Referenties[bewirk | brón bewèrke]

  1. Taalkaart Naord-Limburg
  2. Dialekvereiniging Veldeke Venlo - Venlose ‘immigranten’ verdringen het Veldens dialect
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Veldes&oldid=456743"