Bart Dirks

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Bart Dirks, Haeële 1972, is historicus, sjriever en journalist bie de Volkskrant. De aafgelope vief jaor waor-e boeteland-correspondaent vör Belsj bie die gezèt en kieëm in dae tied pas d'r achter dat d'r taalsjtrijd 'n Belsjbrèèd fenomeen is en neet allèng get va Voere. Vanaaf 2008 is Dirks es polletiek versjlaggaever gesjtationeerd in Den Haag.

In februari 2008 sjreef Dirks 'n oetgebreid artikel in de Volkskrant över de sjplitsing va Belsj en wat dat vör Nederland zow kènne betekene. E pleitte in zie sjplitsingsscenario vör 'n nauwer samewèrking in Benelux-verbaand. Ieëder al sjreef-e 'n artikel över de Duutsjtalige Gemeensjap en dat die de bèts besjermde minderhèèd van Europa is. De Duutsjtalige Gemeensjap liekt in 't Waalse Gewest.

Begin april 2008 versjaen zie book België bestaat-cultuurwijzer van een gespleten land. D'r oetgaever, Bert Bakker, zow evvel bies 't lètste momaent d'r titel België bestond achter de haand gehaowe ha. In mei versjaen 't in twiede druk.
Bart Dirks is van miening dat 't wènnig luuj in Nederland haat die de oondersjtrome van de Belzje samelaeving rèchtig kènne. Nao ège zègke sjaart-e zich èges neet oonder de expaerts.

Óp 23 augustus 2008 publiceerde De Volkskrant 'ne aoëpe breef van Dirks an Albert ll, mèt d'r titel Sire.[1]

Referentie[bewirk | brontekst bewerken]

  1. Sire verwiest óp 't Belsj nao d'r aoëpe breef va Jules Destrée an Albert l dae óp 15 augustus 1912 in de Revue de Belgique geplaatsjt waoërt. "Sire, (...) Vous régnez sur deux peuples. Il y a en Belgique, des Wallons et des Flamands ; il n'y a pas de Belges." Sire, d'r regeert twieë volkere. In Belsj haat 't Welzje en Vlaminge; 't haat gèng Belzje.

Externe leenk[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bart_Dirks&oldid=348995"