Arbëreshë-Albanees

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Arbëreshë-Albanees is 'n Indogermaanse spraok, specifieker 'n vorm van 't Albanees, die gekaldj wuuertj dore Arbëreshë-Albaneze in 't zuje van Italië inne regio's Calabrië, Apulië, Basilicata (Lucanië) en Molise. De spraok wuuertj gekaldj door zoea 100.000 luuj (2007) oet 'n etnische bevolking van 270.000 (1976) en haet de ISO 639-3 code aae.

't Guuef versjillige dialekte, namelik 't Calabrisch-Albanees, 't Campo Marino-Albanees, 't dialek vanne Centraal Berg, 't Molise-Albanees en 't Sicilisch Albanees. De spraekers zègke det dees dialekten óngerling neet good verstaonbaar zeen. De lexikaal geliekenis toet 't Toskisch is 45%.

't Arbëreshë-Albanees haet 'n sterke positie in sómmige distrikten en d'r wuuertj ouch in sómmige sjoeal inne spraok óngerweze, mer 't haet gein officieel status en geldj is 'n spraok die veurnamelik heim gekaldj wuuertj. Op sómmige plaatse lieëre de kinjer waal nag de spraok, meh wen ze nao sjoeal gaon sjeie ze oet mit die te gebroeke. De meiste spraekers gebroeken ouch Italiaans en regionaal Italiaanse dialekte.

't Guuef get litteratuur inne spraok en d'r zeen deiler vanne Biebel euvergezadj in 1868–1869. De spraok wuuertj gesjreven in 't Letiens alfabet; 't Grieks alfabet wuuertj neet mieë gebroek. De spraekers van 't Arbëreshë-Albanees zeen aafstammelinge vanne vieftieëndjen ieëfse huurlingen en vlöchtelinge vanne Ottomaanse invasie en zeen euverwaegendj kristelik.

De spraokstatus veur dees spraok is bedreig (6b); det beteikentj det de spraok gebroek wuuertj veur persuuenlike communicatie door alle generaties, meh det 't aantaal spraekers aafnump.

Classificatie[bewirk | brón bewèrke]

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Arbëreshë-Albanees&oldid=355494"