Albanees
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Albanees (Gjuha Shqipe) is de taol vaan Albanië en 't Albanees volk. Boete Albanië is de taol inheims in Kosovo, westelek Noord-Macedonië en klein deile vaan Griekeland (Arvanitisch); wijer gief 't väöl allochtoon sprekers in de res vaan Griekenland, Turkije en Italië ('t Arbëreshë-Albanees). Alles bijein gief 't oongeveer 8 miljoen sprekers. De taol kint twie hoofdialekte, 't Ghegisch in 't noorde en 't Toskisch in 't zuie. De standaardtaol is op 't Toskisch gebaseerd. Oonder dictator Enver Hoxha woort 't Ghegisch zwoer oonderdrök.
't Albanees is 'n Indo-Europese taol en vörmp 'n femilie op ziech. 't Is meugelek 'n veurtzètting vaan 't Illyrisch, wat in antieke tije op de westeleke Balkan gesproke woort.