Arvanitisch

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Arvanitisch is 'n Indogermaanse spraok, specifieker 'n vorm van 't Albanees, die gekaldj wuuertj dore Arvaniete in Griekeland. De spraok wuuertj gekaldj door zoea 50.000 luuj (2007) oet 'n etnische bevolking van 150.000 en haet de ISO 639-3 code aat.

De spraok wuuertj ouch waal Arberichte of Arvanitika; ze neumen 't zelf αρbε̰ρίσ̈τ (arbërisht) en sjrieve mit 't Grieks alfabet. 't Guuef drie versjillige dialekte die óngerling verstaonbaar zeen, namelik 't Naordwèstelik Arvanitisch, 't Zuudcentraal Arvanitisch en 't Thracisch Arvanitisch. De spraok is gedeildjelik óngerling verstaonbaar mit 't Toskisch en kintj 'n groeate invlood vanoet 't Grieks.

't Arvanitisch wuuerdj gekaldj in Attica, Boeotia, Zuud-Euboea enne Salamiseilenj, es ouch in Thracië, Arkadië, Athene en op Peloponnesos (veurnamelik 't naordwèste) en Andros. De spraekers zeen veurnamelik kristelik en die woeane verspreidj euver 300 boeredörpkes.

De jeug verhoes nao Athene en assimileertj es Grieke. 't Guuef get cultureel heroplaeving sins de 1980'er jaore, meh de snel spraokversjuving zörg d'rveur det geregeldj gebroek vanne spraok wersjienlik toet e zieër klein aantaal luuj bepirk is, veurnamelik ajere. Weinig toet gein kinjer lieëre de spraok nag.

De spraokstatus veur dees spraok is versjuvendj (7); det beteikentj det de spraok óngerling nag gebroek wuuertj dore generatie die kinjer krieg, meh det de kinjer zelf de spraok neet mieër aangelieërdj kriege.

Classificatie[bewirk | brón bewèrke]

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Arvanitisch&oldid=413493"