A j'n Eèkske

Van Wikipedia
Naar navigatie springen Naar zoeken springen
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Moresenter, as te dit dialek sjpriks.

De Madonna va Moresent

A j'n Eèkske (Duutsje sjpelling: A-jen Eckske, Frans: Moresnet-Chapelle, Duutsj: Eichschen) is 'n regionaal katholiek religieus centrum en baevaartsplaatsj in de gemèngde Blieberig. In de baevaartskèrk bevindt zich de Madonna va Moresent, die op dis plaatsj in 't bezeunder aa-gerope wert vör hulp. Getuge de väöle daanktegels in de kèrk sjienges neet zoonder gevolg.

De kèrk en 't kloeëster zeunt geboewd dör Franciskaner monnike, die an 't èng van d'r 19de ieëw vluchde oet Duutsjlaand es gevólg van d'r Kulturkampf.

D'r Calvariebaerg A g'n Eèkske

Ooch d'r Calvariebaerg is geboewd dör de monnike en koom in 1903 vaeërdèg. D'r kruutswaeg liegkt in 'n dör vriewilligers good ónderhaowe, um-moeërd, park. Bies 2006 waoërt d'r kruutswaeg beheert dör de Franciskaner. Noe haat 'n sjtichting die taak övergenaome.

Lós van 't kloeëster bevindt zich 'n kloes, oeë bies vör ènige jaore zieëker nog 'n vrowweleke heremiet laefde.

Gemeinte Blieberig
Deilgemeintes en dörper: Blieberig (dörp) · Hommerig · Jömelech · Moontse · Moresent · Sippenake
Gehuchte en buurtsjappe: A j'n Eèkske · Fölkerech
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=A_j%27n_Eèkske&oldid=396180"