Fölkerech

Van Wikipedia
Dit artikel is gesjreve in 't Breuker. Ómdat 't plaatsgebónge is, maogs doe 't ómzètte nao 't Jömelejer, es te dit dialek sjpriks.

Fölkerech (Frans en Duutsj: Völkerich) is 'n gehuch wat vilt ónger 't dörpsgebeed va Jömelech (Gemmenich), in de Belsje gemeinte Blieberig (Plombières), provincie Luuk. De plaatsj besjtaet oet lintbeboewing aan d'r doergaoënde waeëg tösje Jömelech e Blieberig. Dao ligke zoeë'n 50 hoezer en häöf.

I Fölkerech waert tradioneel, juus wie in de res va dit gebeed, 'n uëverganksdialek va 't Limburgs nao 't Duutsj gekald (Plattdütsch). De officiële sjpraok is Frans. Me kalt aoch waal Hoeëgduutsj of Nederlands.

Fölkerech haat 'n aege Mariakapel. 't Gebuuwke likt op 'ne driesjprónk midde i 't gehuch. 'n Anger opvallend geboew is 't vuurmalig Franciscaner kloeëster, wat 't hoeëgste boewwirk is. 't Haat drie boewlaoge e 'ne doebele zölder. Dao zint noe appartemente i gevestig.

Gemeinte Blieberig
Deilgemeintes en dörper: Blieberig (dörp) · Hommerig · Jömelech · Moontse · Moresent · Sippenake
Gehuchte en buurtsjappe: A j'n Eèkske · Fölkerech
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Fölkerech&oldid=396963"