Wiette dónderdig

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Wiette dónderdig ies de dónderdig in de Gooj week, de week veur Paosje. De liturgische kleur en de aankleiing in de Heilige Mès ies huuj wiet, in tegesjtèlling mèt de aafgeloupe vasteperiode, woa-in de kleur paars, symbool van boete, ies gewaes. In de biebel sjteit gesjreve dat op dezen daag 't lètste aovendmaol plaatsvingk. Dat ies 't gezamelik ete van Jezus mèt zien apostele. In de liturgie weurt dan de insjtèlling van de Heilige Mès en van 't preestersjap gevierd.

Folklore[bewirk | brontekst bewerken]

  • Kleppere

Traditioneel goon mèsdenersj mèt 'ne klepper rónd um te laote huère, dat de kèrkklokke tot Paosjzaoterdig zölle aafreize nao Roame.

  • Apostelesop

Rónd Wieërt en Toear besjteit 't gebruuk um op dezen daag sjmieddigs sop te ete mèt twelfderlei greuntes. Dat neume ze de apostelesop. Degene, dae 't ièrsj ziene lepel in de sop duip, weurt Judas geneump.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Wiette_dónderdig&oldid=339002"