Lètste aovendmaol

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Leonardo Da Vinci, fresco in de Santa Maria delle Grazie Milaan

't Lètste aovendmaol ies 'n gezamelik ete van Jezus mèt zien lièrlinge of apostele vlak veurdat hae gekrusig woort en dao-opvolgend ziene doad. In de katholieke liturgie weurt die activiteit gevierd op wiette dónderdig, de donderdig veur de Paosje. Ónder dat ete haet Jezus 't Heilig maol of de Heilige Mès ingesjtèld. 't Heilig maol, of de Eucharistie, ies 't sacrament, dat 't lieje, sjterve en verrieze oet d'n doad van Christus herdink.

Protestantse en gereformeerde kèrke[bewirk | brontekst bewerken]

Jezus en zien apostele bie 't Lètste aovendmaol, sjilderie van Dirk Bouts, 1464-1467

't Lètste aovendmaol weurt door Zwingly besjouwd es 'n symbool veur 'n christelike werkelikheid, de aanwezigheid van Jezus bie de viering van 't Heilig ete.

Luther geuf 'n realistischer verklaoring, hae hèlt vas aan de werkelike aanwezigheid, èvvel neet in de vörm van transsubstantiatie (de gedaanteverandering van broad en wien bie de consecratie).

Calvijn lièrt dat Christus zien vleisj en blood geuf, meh dat dit geistelik ies en allein besjtump veur de geluivige.

Kuns[bewirk | brontekst bewerken]

In de beeldende kuns ies 't Lètste aovendmaol 'n geleef ónderwerp. bv 'n groat fresco van Leonardo da Vinci in de Santa Maria delle Grazie in Milaan en 'n sjilderiej van Dirk Bouts in de St. Pieterskèrk in Leuve

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Lètste_aovendmaol&oldid=339598"