Republiek China

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Nationalistisch Sjina

Vlag van Nationalistisch Sjina

Waope van Nationalistisch Sjina

Lokasie van Nationalistisch Sjina

Basisgegaevens
Officieel taal Sjinees
Hoofsjtad Taipei
Sjtaotsvörm Rippebliek
Sjtaotshoof Ma Ying-jeou (sins 2008)
Vice president Wu Den-yih
Premier Jiang Yi-huah
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie {{{religie}}}
Opperflaakde
– % water
35.980 km²
10,3%
Inwoeners
Deechde:
22.920.946 (2008)
637/km²
Biekómmende gegaeves
Munteinheid Taiwanesen dollar (TWD)
Tiedzaone UTC +8
Nationale fiesdaag 10 oktober
Vouksleed San Min Chu-i
Web | Code | Tel. .tw | TWN | +886

De Republiek China is dat deil vaan 't aajd China wat oonder controle steit vaan de neet-communistische, "nationalistische" regering. Allewel tot bei regeringe gans China claime, bezit de nationalistische regering sinds 1949 allein 't eiland Taiwan en e paar eilendsjes veur de Chinese kös. Hoofstad vaan 't land is Taipei, ander groete stei zien Taichung, Tainan en Kaohsiung. Taiwan weurt vaan 't Chinees vasteland gesjeie door de Straot vaan Taiwan en ligk in 't ooste aon de Filipijnse Zie.

Bestuurleke indeiling[bewirk | brontekst bewerken]

De stei Taipei en Kaohsiung valle boete de indeiling in provincies. Daoneve gif 't de provincies Taiwan en Fukien, boe 't land allein mer e paar eilendsjes vaan bezit. De provincie Taiwan is weer in zestien districte en vief provinciaal besteurde stei verdeild. Fukien heet twie distrikte.

Demografie[bewirk | brontekst bewerken]

zuug ouch Taiwan

De bevolking vaan Taiwan besteit veural oet Han-Chineze, 'n etnische groop die ziech veural aofsjeit door hun taol, ('t Min-Nan). Ouch gif 't sprekers vana 't Hakka. De officieel taol is nog wel 't Mandarien. Wijers kint 't land väöl inwiekelinge die in 1949 mèt de nationalistische legers mètgevlöch zien. De oorspruninkeleke bewuners vaan Taiwan zien evels neet Sinitisch meh Austronesisch: die leve mèt 440.000 lui in 't binneland.

De meiste bewuners zien taoïstisch of boeddhistisch.

Historie[bewirk | brontekst bewerken]

zuug ouch 't artikel euver Taiwan

Nao de val vaan de Chinese keizer in 1911 woort 't jaor dao-op de Chinese Republiek gestiech. De leidende partij waor de Kow Min Tang, leismaan waor Tsjang Kai-tsjek. In de jaore daarteg kaom de communistische partij oonder Mao Zedong op, en braok 'ne börgeroorlog oet. 't Lökde de nationaliste de communiste trök te dringe in de berg, meh neet veur ze definitief te versloon.

Oondertösse hadde aon de kös nog väöl Europese len consessies in de kösstreike; wie ouch Japan. Tege 't oetbreke vaan d'n Twiede Wereldoorlog veel Japan China weer aon; noe gaove de Europese len hun consessies op en woort de strijd tege de communiste gestaak, allemaol in deens vaan de stried tege de Japanners. In d'n oorlog evels versterkde de communiste hun positie mier en mie. Daodoor kóste ze nao d'n oorlog vaanaof 1945 de strijd weer nui beginne tege de nationaliste; die binne veer jaor nao Taiwan trökgedreve woorte. Sinsdeen bleef de Kwo Min Tang viefteg jaor dao aon de mach, ouch nao de inveuring vaan de democratie, mèt es ideaal e hereineg China oonder nationalistische vlag. In 2000 won de oppositie veur 't iers de verkezinge. Dees partij, minder geriech op hereineging, deeg kortstundeg aofstaand vaan de claims op gans China, me naom ze gaw weer op. Taiwan controleert nog ummertouw de Straot vaan Taiwan, woe de Chinese vloot niks te zègke heet.


Len in Azië
Afghanistan | Armenië2 | Azerbaidzjan1 | Bahrein | Bangladesj | Bhutan | Burma | Brunei | Cambodja | China3 | Cyprus2 | Filipiene | Georgië2 | India | Indonesië | Iran | Irak | Israël | Japan | Jeme | Jordanië | Katar | Kazachstan | Kirgizië | Koeweit | Laos | Libanon | Maledive | Maleisië | Mongolië | Nepal | Noord-Korea | Oesbekistan | Omaan | Oos-Timor | Pakistan | Palestijnse Staot | Papoea-Nuuj-Guinea | Rusland1 | Saoedi-Arabië | Singapore | Sri Lanka | Syrië | Tadzjikistan | Thailand | Törkije | Turkmenistan | Vereinegde Arabische Emirate | Viëtnam | Zuud-Korea
Aafhenkelike gebejer: Akrotiri en Dhekelia2 | Gazastrook | Hong Kong | Macau | Westelike Jordaankantj
Status betwis: Palestijnse Staot | Republiek China | Volksrepubliek China | Törkse Rippebliek Noord-Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Republiek_China&oldid=351480"