Pakistan

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Pakistan

Vlag van Pakistan

Waope van Pakistan

Lokasie van Pakistan

Basisgegaevens
Officieel taal Urdu
Hoofsjtad Islamabad
Sjtaotsvörm Rippebliek
Sjtaotshoof Asif Ali Zardari (sins 2008)
premier Yousaf Raza Gillani
[[{{{titelhoofregering1}}}]] {{{naomhoofregering1}}}
[[{{{titelhoofregering2}}}]] {{{naomhoofregering2}}}
[[{{{titelhoofregering3}}}]] {{{naomhoofregering3}}}
Religie {{{religie}}}
Opperflaakde
– % water
803.940 km²
3,1%
Inwoeners
Deechde:
172.800.000 (2008)
206/km²
Biekómmende gegaeves
Munteinheid Pakistaanse Rupee (PKR)
Tiedzaone UTC +5
Nationale fiesdaag 14 augustus
Vouksleed Pak sarzamin sjad bad
Web | Code | Tel. .pk | PAK | ++92

Pakistan is e land in Zuid-Azië, aon de Indischen Oceaan, grenzend aon Iraan, Afganistan, Sjina en India. 't Land heet Islamabad es hoofstad, meh Lahore (de aw hoofstad) en Karachi zien groeter. 't Land weurt doorstruimp door d'n Indus en is bergechteg: in 't noorde ligke inkel hiel hoeg toppe vaan de Himalaya en door de res vaan 't land löp 't middelhoeg Hindoe Koesj-gebergde.

Bestuurleke indeiling[bewirk | brontekst bewerken]

Pakistan heet 4 provincies. Traditioneel volker höbbe hun eige bestuurseinheid, de Federaol Geadministreerde Stammegebejer, en ouch de hoofstad heet 'n eige territorium. Jammu en Kasjmir weure door gouverneurs bestuurd. De provincies zien Balochistan, Punjab, Sindh en de Noordwesteleke Grensprovincie.

Taole[bewirk | brontekst bewerken]

De officieel taol is 't Urdu, 'n variant vaan 't Hindustani, in tegestèlling tot 't Hindi gesjreve in 't Arabisch Sjrif. Veurnaom volkstaole zien 't Punjabi, 't Sindhi, 't Baluchi, 't Pasjtoe en 't Kasjmiri.

Historie[bewirk | brontekst bewerken]

De Indusvallei woort tösse 3000 en 1800 veur Christus bewoend door de Induscivilisatie, ein vaan de ajdste civilisaties die de minsheid gekind heet, en die neet in verbinding mèt Mesopotamië of Sjina stoont. Dees besjaoving had zie centrum in 't modern Pakistan, boe al hoonderde nederzèttinge gevoonde zien. Bij 't binnevalle vaan de Indogermane verveel de besjaoving en bij 't opbleuje vaan de Vedische civilisatie späölde 't Indusgebeed mer 'n marginaal rol.

Roond 520 v.Chr. woort Pakistan vereuverd door de Perzische dynastie vaan de Achaemenide, en 't gebeed bleef Perzisch tot Alexander de Groete 't in 334 v.Chr. inlijfde en 't nao dee zienen doed bij 't Riek vaan de Seleucide góng hure. Oonder de regering vaan de Indische Maurjane verspreide ziech 't boeddhisme euver Pakistan. 't Land bleef oonder Indische voorstehoezer tot in de ierste iew de Koesjiete e good deil vaan 't land bezatte.

In de Middeliewe vele de Mongole en de Törke in; in 't spoor vaan de lèste kaome de Soefi's veur d'n Islam te introducere, wat lökde. Vaanaof de late Middeliewe tot aon de Britse vereuvering regeerde de Mogul euver Pakistan, dee neet allein in Delhi meh ouch in Lahore väöl imposante gebouwer leet neerzètte, en väöl in 't land investeerde. Aon 't ind grepe Sikhs de mach, tot in 1857 de Britte gans Pakistan oonder controle gebrach hadde (zuug wijer Brits Indië).

In 1940 woort beslote tot de gebejer boe de moslims in de mierderheid waore 'n eige staot zouwe kriege, wat in 1947 leide tot de creatie vaan Pakistan (de naom beteikent land vaan de reine, meh is ouch 'n aofkorting vaan Punjab, Afghan, Kasjmir, Sindh en Baluchistan). Es oonaofhenkeleke natie stoont 't land langen tied oonder militair beweend, en veurden 't twie kier oorlog mèt India, in 1965 en 1971; aon 't ind vaan de lèsten oorlog mós Pakistan de oonaofhenkelekheid vaan de enclave Oos-Pakistan erkinne; 't land góng Bangla Desh hete. In de jaore zeveteg en tachteg bouwden 't 'n democratie op (mèt de internationaol gewaardeerde premier Benazir Bhutto), meh in de jaore negeteg naome de spanninge mèt India weer touw, wie bekind woort tot alletwie de len euver atoomwaopes besjikde. De democratie woort veurluipeg beëindeg in 1999, wie generaal Musharraf 'ne coup pleegde, meh heer mós 't volgend jaor al nui parlemintsverkezinge oetsjrieve. Nao de aonvalle vaan Al-Qaedah in 2001 wèrkden 't land actief mèt aon de campanje vaan de Vereinegde Staote tege Usâmah bin Lâdin en d'n Taliban.

Len in Azië
Afghanistan | Armenië2 | Azerbaidzjan1 | Bahrein | Bangladesj | Bhutan | Burma | Brunei | Cambodja | China3 | Cyprus2 | Filipiene | Georgië2 | India | Indonesië | Iran | Irak | Israël | Japan | Jeme | Jordanië | Katar | Kazachstan | Kirgizië | Koeweit | Laos | Libanon | Maledive | Maleisië | Mongolië | Nepal | Noord-Korea | Oesbekistan | Omaan | Oos-Timor | Pakistan | Palestijnse Staot | Papoea-Nuuj-Guinea | Rusland1 | Saoedi-Arabië | Singapore | Sri Lanka | Syrië | Tadzjikistan | Thailand | Törkije | Turkmenistan | Vereinegde Arabische Emirate | Viëtnam | Zuud-Korea
Aafhenkelike gebejer: Akrotiri en Dhekelia2 | Gazastrook | Hong Kong | Macau | Westelike Jordaankantj
Status betwis: Palestijnse Staot | Republiek China | Volksrepubliek China | Törkse Rippebliek Noord-Cyprus
1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Pakistan&oldid=346123"