Chinees

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

't Chinees is de samevattende naom veur alle dialekte die mèt 't Chinees karaktersjrif weergegeve kinne weure. Samegenome weure dees dialekte door alle etnische Chineze gesproke, dat is eine mins op de vijf. De versjèllende dialekte zien oonderein neet of koelek te verstoon en vörme daodoor eigelek apaarte taole. Op pepier evels kinne alle gelètterde Chineze mètein communicere.

't Chinees is 'n zuver isolerende taol: dat wèlt zègke eder woord is 'n wortel op ziech en kin neet door grammaticaal betrèkkinge veranderd weure. 'n Aander, bekinder aspek vaan 't Chinees is de mietoenegheid (toentaol). 't Limburgs kint dat principe mèt twie toene, meh 't Chinees heet 'rs mie. 't Manderijn-Chinees (oonder mie 't dialek vaan Peking) heet 'rs veer of vijf, 't Kantonees (o.m. in Shanghai gesproke)höbbe 'rs wel ach of nege.

D'r is 'n Chinees editie van Wikipedia, de vriej encyclopedie.