Kan

Van Wikipedia
Gank nao: navigatie, zeuke

Dit artikel is gesjreve in 't Kanners. 't Weurt gewaardeerd óm in dit artikel 't Kanners aan te hauwe of aan te gaeve welk anger dialek gebroek is.


St. Hubertuskèrk in Kan in 2005
Brök euver 't Albertkanaal in Kan

Kan (Nederlands: Kanne), is 'n döörp in de gemeinte Reems in Belsj (Belsj Limburg) vlak bij de grens mèt Nederland (Nederlands Limburg). 't Lik aon de voot van de Sint-Pietersberg en d'n Observaant, in 't dal van de Neker, dè door 't pläötske löp en aon 't Albertkanaal. Aon de kapel en 't kastiel lik Naerkan en aon d'n aandere kaant van de kanaal lik 't Avergaot (histories aok behurend bij Opkan). 't Gruutste gedeilte van Kan is 't vreugere Opkan. Kan grens aon Mestreech, namelik aon Bieslaand (euver de Kannerwèeg) en Sint-Pieter (euver de Melgerwèeg), en in Belsj aon Vroenhove (euver de Muizeberg), Zösse (euver de Kavei, de Zösserdèl of de Slingerberg en oan Wallonië: Aemaol en Klein-Ternejje. In Kan weurt Limburgs en Nederlands gekald.

't Dörp[bewirk | brontekst bewerken]

't Pläötske is veuraal bekind um z'n mergelgrotte (de berg) en z'n sjampijongs. Van de oetgehaolde mergelstein zien väöl winninge (boerderijen) en hoezer gebojd, hij en in d'n umtrèk. Dao staet 'n kèerk, gewijd aon d'n heilige Hubertus mèt 'ne Middeliewse tore en 'ne Limburgse spits t'rop. In de 20e iew is 'ne groete zaol dr'aongebojd. 't Gehiel is aok van plaotselike (mergel)stein opgetrokke.

Aon de kanaal lik 'ne jachhave.
Bij de rivier d'n Neker stèet de zoegenaomde Smoekelmeule (waotermeule) en dao lik, behalve 'n aontal veerkaantswinninge in d'n umtrèk, 'ne winning Mosman oet 1651. Versjillende heukskes van Kan zien besjörmde dörpsgezichte. Kan is genomineerd es aen van de vieftien sjonste döörpe van Vlaandere.

Dörpsvereiniginge[bewirk | brontekst bewerken]

  • Fanfare Sint Cecilia of de Roeie
  • Fanfare Alliance of de Blowwe
  • De Witters is de carnavalsvereiniging
  • COCK (Cultuur- en Ontspanningscentrum Kanne): de organisatore van o.a. de Peenksterfieste met de Rommelmerret op Peenksmoandig.
 
Gemeinte Riems
Deilgemeintes, dörper en gehuchte: Genoens | Joddere | Kan | Memmerke | Miele | Riems (Heukelóm) | Val (Meer) | Vlèètege (Laofelt) | Vroenhove | Zèche-Zösse-Boolder (Boolder · Zèche · Zösse)
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Kan&oldid=338529"