Zèche-Zösse-Boolder

Van Wikipedia
Gank nao: navigatie, zeuke
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Zösses, as te dit dialek sjpriks.

De Pieters- en Laurenskèrk, parochiekèrk vaan Zèche en Boolder

Zèche-Zösse-Boolder (ouch wel Ziche-Zusse-Bolder[1]; Nederlands Zichen-Zussen-Bolder) is 'n deilgemeinte vaan Riems in Belsj Limbörg. 't Besteit oet drei gehuchte, Boolder in 't weste, Zèche in 't midde en Zösse in 't ooste, die mèt de iewe min of mie tot ei dörp aonein zien gegreujd. Zösse steit vaan de drei kerne nog relatief los. Zèche-Zösse-Boolder ligk zuidoostelek vaan 't dörp Riems, noordwestelek vaan Aemaol en noordelek vaan Woonk, allebei in Wallonië.

De deilgemeinte ligk in Druug Haspegouw, op kalkstein, wat hei iewelaank gewonne is. In Zèche-Zösse-Boolder stoon twie groete kèrke, de Pieters- en Laurenskèrk (de parochiekèrk vaan Zèche en Boolder; foto) en de Genovevakèrk (de parochiekèrk vaan Zösse). 't Plat vaan Zèche-Zösse-Boolder is, wie 't Wieërts, extreem riek aon vocaole; door 't verdwijne vaan functioneel sleip- en stoettoene zien de toch al talrieke vocaole in twieë gesplete.

Historie[bewirk | brontekst bewerken]

De drei neerzèttinge höbbe 'n versjèllende historie. Zèche en Zösse waore allebei hierlekhede die 't groetste deil vaan hun historie dezelfden hier en dezelfde sjepebaank deilde, Boolder vörmde same mèt Meer (zuug oonder Val) 'n aander hierlekheid. Alledrei hoorte ze bij 't graofsjap Loen. In 1796, oonder Frans bewind, woorte de drei jurisdicties in ein gemeinte vereineg. In 1977 woort Zèche-Zösse-Boolder oonderdeil vaan de groeter gemeinte Riems.

Bron[bewirk | brontekst bewerken]

Dit artikel is gebaseerd op, meh neet vertaold oet, 't corresponderend Nederlandstaoleg artikel; wijer kump ouch informatie vaan dees website.

Referenties[bewirk | brontekst bewerken]

  1. Dörpsnaome in Riems
 
Gemeinte Riems
Deilgemeintes, dörper en gehuchte: Genoens | Joddere | Kan | Memmerke | Miele | Riems (Heukelóm) | Val (Meer) | Vlèètege (Laofelt) | Vroenhove | Zèche-Zösse-Boolder (Boolder · Zèche · Zösse)
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Zèche-Zösse-Boolder&oldid=343413"