Hoeëg Ven

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Locatie van 't Hoeëg Ven
Hoeëgvenlaandsjap in 't Hoeëg Ven
Weenter in 't Hoeëg Ven
Hootpad dör 't besjniejdee Hoeëg Ven
Vegetatie in 't Hoeëg Ven: dophei, pijpestrootje en beenbreek

't Hoeëg Ven (Duutsj: Hohes Venn; Fraans: Hautes Fagnes) vormt d'r övergaank tösje de Ardenne en d'r Eifel en is e natuurreservaat in noordoostelek Belsj plus e sjtökske aangrenzend Duutsjland. 't Gebied liekt in 't Natuurpark Hoeëg Ven-Eifel en is oongeveer 4500 ha. groeët. Zoewie d'r naam al zaet, besjteet e groeët deel van d'r regio oet hoeëgven-aafzèttinge. E deel daovan is nog actief, wat wilt zègke dat d'r nog ömmer venvorming óptraejt.

Besjrieving[bewirk | brontekst bewerken]

't Hoeëg Ven wert begrensd dör Eupe in 't noorde, Monschau in 't ooste, Malmedy in 't zuide en Spa in 't weste. 't Belzje, groeëtste deel liekt in de Duutsjtalige Gemeensjap plus de gemèngdes Waimes en Malmedy. Mèt toppe bies zjuus oonder de 700 meter is 't hoeëgst gelaege gebied van Belsj, oeëoonder ooch 't hoeëgste peunt van 't laand, d'r Signal de Botrange (694 meter TAW, 692 meter boven NAP). Ooch oontsjpringe de reveerkes de Roer, Vesder, Gileppe en Helle in 't Hoeëg Ven.

't Gebied kenmerkt zich dör väöl neersjlaag, gemiddeld 1500 bies 1700 mm. per jaor. Dör 'n aantal sjtuwmere in 't gebied wert dit water gebroekd es dreenkwater en vör sjtroomópwekking. 't Laandsjap besjteet oet hoeëgven, hèj, voedselörm wèjje, wèjje en väöl beusj. In en öm de versjpreid liegkende dörpkes zeunt karakteristieke boerderieje te veende. Sommige hoezer en boerderieje zeunt ömgaeve dör karakteristieke metershoeëg beukehage, die besjerming beje taege weend en raege. Väörbeelde hievan zeunt te veende in oonder mieë Sourbrodt (Belsj) en Kalterherberg (Duutsjland).

Dör 't gebied löpt ooch de Vennbahn, 'n inmiddels gesjlaoëte sjpoorlien óp de grens van Belsj en Duutsjlaand die vreuger Aoke mèt 't Luxemburg verboond.

Flora[bewirk | brontekst bewerken]

In 't hoeëgvengebied zeunt kenmerkende hèj- en venplante te veende, zoewie struikheide, dopheide en veenmos, orchideeje, gentiane, zonnedauw, veenbes en veenpluus.

Es gevolg van sjtikstofdepositie en oontwatering, zeunt daonaeve lichte berkebeusje en 't pijpestrootje ópgekaome. De Japanse duizendknoop (Fallopia japonica) is d'r 'ne woekerende invasieve saoërt.

Versjprèjde kenmerkende plaante[bewirk | brontekst bewerken]

(Nederlandse name)

Zeldzame hèj- en venplaante[bewirk | brontekst bewerken]

Fauna[bewirk | brontekst bewerken]

Biezoondere dere zeunt oonder aandere

Toerisme[bewirk | brontekst bewerken]

In 't gebied zeunt talrieke wandelroutes oetgezat, deels geasfalteerd en deels över de vör 't hoeëgvenmilieu kenmerkende hote vlonderpade. 't Hoeëg Ven is ingedeeld in zones:

  • Zone A: voör wandelaere vrie toegankelek
  • Zone B: wandele allèng toegesjtande över de gemarkeerde waeg en pade
  • Zone C: allèng toegankelek mèt 'ne gids
  • Zone D: volledig oontoegankelek.

De zones zeunt ingesjtèld naogelang de aanwezigheed van zeldzaam dere en plante.

In d'r weenter is 't Hoeëg Ven bedèkt mèt sjnieë en d'r werre diverse langlaufloipes oetgezat. In 't vreugjaor en d'r zaomer besjteet ooch a; raeégent 't väöl dèk brandgevaar.

D'r zeunt twieë 'natuurcentra' (bezeukerscentra) in 't gebied: Natuurcentrum Haus Ternell in Eupe van de Duutsjtalige Gemeensjap van Belsj, en Natuurparkcentrum Botrange in Robertville van de provincie Luuk.

Kiek ooch[bewirk | brontekst bewerken]

Externe links[bewirk | brontekst bewerken]

Commons
In de categorie Hautes Fagnes van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hoeëg_Ven&oldid=341935"