Orchidee

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


In d'r Euregio Maas-Rien vörkaomende mae hieël zaeldzame puperorchis

De Orchidee is de groeëtste plaantefamilie óp de waelt en keumt, behalve in de echte kow sjtrieëke, överaal vör. 't Gèft mieë wie 20.000 versjillende saoërte. De plant wert ooch wal Orchis geneumd, wat d'r naam is van een sjpecifiek gesjlach.

Naamgaeving[bewirk | brontekst bewerken]

D'r naam 'orchidee' is aafgeleid van Orchis. D'r Griekse filosoof Theophrastus waor in 300 v.Chr. d'r örsjte dae 't gesjlach besjraef. D'r naam Orchis (όρχις) haat mäögelek betrèkking óp d'r dubbele wórtelknol: 't Griekse 'orchis' betekent ooch teelbal.

Modeplaant[bewirk | brontekst bewerken]

In 't örsjte decenium van d'r 21ste ieëw is de plaant in Europa 'n echte modeplaant waoëre die vör e paar Euro överaal te kriege is. Ieëder waor 't 'n plaant die me allèng in speciaal blomezake koes kriege en da mètstens allèng de bloom, die óp 'n speciaal meneer verpakt waor zoedat ze langer good blaef.

Euregio Maas-Rien[bewirk | brontekst bewerken]

In d'r Euregio kaome in 't weeld zieëker 40 saoërte orchideje vör, zoewie d'r aeëpkesorchis, 't soldäötsje of d'r hieël zeldzame purperorchis. 't Haat evvel gènge anvance öm die plaante oet te plaante en in d'r ège móstem of binne in 'ne pót te zitte. Da geunt ze namelek al flót kapot.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Orchidee&oldid=341766"