Roer
Van Wikipedia
Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.
- Dit artikel geit euver de reveer die in de Maos oetmundt. Veur de Duitse reveer die in de Rien oetmund zuug Roer (Ruhr)
De Roer (Pruusj: Rur) is 'n rivier die euver 'n lengte van ongevaer 165 kilemaeter door drie lenj sjtruimp; Belsj, Prusjes en Nederland
Same mit väöl anger sjtruimpkes óntsjprink de Roer op 't hoogste punt van Belsj, de Signal de Botrange in de gemeinde Waimes op de Hoge Vene. 't is hiej Franstalig en de naam vanne rivier is hiej ouch (La) Roer, mèr 't waerd ouch waal gesjreve es Rour.
Bie Monschau sjtik ze de Pruusje grens euver en kump nao dees toeristische plaats oet biej de Rurtalsprerre, 't op ein nao grootste sjtuwmeer van 't landj. In noordelike richting sjtruimp ze wiejer door de Eifel nao de leger gelege industriegebiede van Düren en Jülich, wo de riviere de Inde en de Worm oetmonje inne Roer. (De Inde óntsjpringk ouch in de Eifel, de Worm biej Aoke en löp langse Nederlands Limburgse plaats Kirkraoj.)
In Pruusjes ligk ouch 'n rivier de Ruhr, wo 't Roergebeed is haer vernump is. Dees Ruhr mot neet verward waere mitte Roer, al gebeurt det nag al te dök. (Rur).
Bie Vlórp bereik de rivier de Nederlandse grèns. Van hiejoet löp ze door de gemeinde Roerdale door de Roerstreek nao Remung.
Väöl luuj meine det Remunj (Roermond in het Hollands)de beteikenis haet van monjing van de Roer. Dit klop echter neet, omdet de Maas ein paar hongerd jaor haer verlag is. Vreuger sjtruimde diej namelik ein sjtuk westelikker en de Roer sjtruimde dan ouch urges ten noorde van Remunj (biej Leeve) in de Maas, in het landsjap vilt dit nog truk te zeen. De naam Remunj haet waal betrikking op Mundium (latien veur sjtad) aan de Roer. Dit klop ouch omdet de sjtad ontsjtange is op 't 'boetenop', eine heuvel dae noe aafgegrave is in eine boch vanne Roer.
[bewirk] Ziebaeke
- de Wörm (Wurm)
- de Posbaek
- de Holsterbaek
- de Leigraaf
- de Vlaotbaek
- de Kwabaekerbaek
- de Roa baek (Rodebach)
