Keer
Dit artikel is gesjreve in 't Keersj. 't Weurt gewaardeerd óm in dit artikel 't Keersj aan te hauwe of aan te gaeve welk anger dialek gebroek is.
Keer, (Nederlands: Cadier en Keer) is 'n dörp in de gemeinte Èèsjde-Mergraote op 't plateau in Zuud Limburg. De naam Cadier en Keer, zoe es 't dörp ouch waal geneump weurt, geit truuk nao ein en dezelfde oeërsjróng: Cadier is de Waalse versie van de dialeknaam Keer. In de 13e ièw sjreef 't ziech Cadirs en Cadir. De naam kuump van 't Latiense calidarium, wat beej de Romeine 'n plaatsj veur werm bade waor.
De dörpssjtraot vörmde vreuger 'n gemeintegrens. Keer (noordelik) behuurde tot Hièr (Heer) en Cadier (zuidelik) tot Huëgem in de hierlikheid Dalem (Daelhem). In 1828 zint de deile bie-eingevoog. In 1982 weurt de gemeinte Cadier en Keer opgeheve en geit dan op in de gemeinte Mergraote. In 2011 góng die gemeinte weer op in Èèsjde-Mergraote. 't Dörp tèlt op 1-1-2010 3633 inwoenersj.
[bewirk] Bezeenswaerdig
- De modern Katholieke kèrk van de Heilige Kruusverheffing is gebówd in 1957 op de plaatsj van 'n ouwer kèrk, oevan de toeën, van breuk- en mèlgersjtein, bewaard is geblieëve. Dae sjtamp oet de 12 of 13e ièw. De ganse kèrk is van baksjtein.
- De Meusenhof oet de 18e iew, mèt voluutgevel en sjpeklaoge, liek aan de kèrksjtraot (Väörsjtraot). De hoeëf haet 2 róndbaoginvaarpoeërte.
- Kesjtièl Blankenberg oet 1370. 't Complex is verboewd in de 19e ièw en umvingk ouch 'ne veerkentige-hoeëf. Vanaaf 2000 fungeert 't es zörgcentrum.
- De Heilige Blasiuskapel waor veur 1992 'n (electriciteits)sjakelhuiske.
- Vuurmalig gemeintehoes en sjoeël: 't Keerhoes, van mèlger.
- Diverse ouw boerderije aan de dörpssjtraot.
- 't Wiengood "Backerbösj".
- Kloeëster van de soeurs de la Misericorde, oet 1900. Daonieëve liek in 't kloeësterpark 'ne kruuswieëg mèt 14 zèskentige, mèlger kapelkes mèt aafbeeldinge van de lijengswieëg van Jezus, oet 1895.
[bewirk] Dörpsvereiniginge
- Historische kring Cadier en Keer (Website)
- Vereniging tot Natuurbehoud Cadier en Keer
- Carnavalsvereiniging de Klenderaere
- Fanfare Sint Blasius
[bewirk] Gebore
- Alois Lemmerling, 1919 sjriever euver volkscultuur en natuur
|
|
|
|---|---|
| Dörper: Bieëmele | Ikkelder | Èèsjde | Groêselt | Keer | Mergraote | Maer | Misj | Norbik | Oêsj-Moarend | Riêkelt | Sjuuëlder | Se-Gietere | Tebannet | |
| Buurtsjappe en gehuchte: Berg | Bergenhoëze | Breusj | Bruusjterbusj | Gastes | Ge Kruuts | Groeët-Welsde | Herkenter | Hoontem | Klae-Welsde | Liebik | 't Mariadörp (De Klonie) | Moarend | Moersjelt | Oêsj | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wiethoês | 't Wolfses |
