De Wesj

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Norbiks, es te dit dialek sjpriks.

Brigidabrón en de wesjplaats in de Wesj

De Wesj (Nederlands: Wesch) ies 'n buurtsjap in Noorbaek in 't dal van de Noor, (gemeinte Èèsjde-Mergraote), in 't heuvelland van Zuud-Limburg.
De baek, ouch 't Laankwater geneumd, haet hie zien brón en sjtruimp riechting Voere Belsj. Sinte Briej (Brigida) ies de petroanheilige van de kèrk van Noorbaek. De ouch zoa geneumde Brigidabrón liek aan de ingank van dees plaats, es-te van Maer kumps. Hie sjteit 'n beeld vaan Brigida, gemaak door de in 2008 gesjtorve kunssjmeed Math Wanders.

In vreuger tieje haolde luuj oet de buurt hie hun drinkwater en sjpeulde ter plaatse de wesj. Zoa kaom 't gehuchske aan ziene naam. De wesjplaats en de pómp zint bewaard gebleve. Op de pómpezjwungel sjtóng (in 2005 neet miè aanwezig) gesjreve: "Sancta Brigida bit voor ons, K N 1585" In 1984 kaome luuj van de Sjoppemer Hèj hie nog hun (drink)water hole. In 't buurtsje liegke 'n paar vakwerkhoezer.

In 2008 haet 'r reconstructie plaats gevónge en ies aan de euverkant van de weeg 'n apaart watertappunt gerealiseerd, mèt 'ne trap in de Noor. Dat ies o.a. veur de boere oet de umgeving die toe noe toe 't water pómpde aan de brón zelf.

 
Gemeinte Èèsjde-Mergraote
Vaan van Èèsjde-Mergraote
Dörper: Bieëmele · Ikkelder · Èèsjde · Groêselt · Keer · Mergraote · Maer · Misj · Norbik · Oêsj-Moarend · Riêkelt · Sjuuëlder · Se-Gietere · Tebannet
Buurtsjappe en gehuchte: Berg · Bergenhoëze · Breusj · Bruusjterbusj · Gastes · Ge Kruuts · Groeët-Welsde · Herkenter · Hoeg-Kâsjtert · Hoontem · Klae-Welsde · Liebik · Lieg-Kâsjtert · 't Mariadörp (De Klonie) · Moarend · Moersjelt · Oêsj · 't Poelveld · 't Roeët · Sjei · Sjilberg · Sint Antoniusbank · Terhoorsj · Terlinne · Termaar · Ulvend · Vroële · De Wesj · 't Withoês · 't Wolfses
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Wesj&oldid=422699"