Blierik
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Venloos of Blieriks, as te dit dialek sjpriks.
Blierik (Nederlands Blerick) is 'n kern vaan de Nederlands-Limburgse gemeinte Venlo, die in tegestèlling tot de hoofplaots en mèt D'n Bokent (Boekend) en Houblierik (Hout-Blerick) aon de weskaant vaan de Maos ligk. 't Heet oongeveer 28.000 inwoeners.
Inhawd |
[bewirk] Historie
Blierik bestoont in de Romeinsen tied as neerzètting mèt de naam Blariacum, aan d'n heerweeg van Mosae Trajectum nao Noviomagus. Sins de oontwikkeling van Venlo tot stad (dees plaots kraog stadsrechte in 1343) waas Blierik sterk op Venlo gerich. Door de väöl belegeringe die Venlo mós doorstoon raakde Blierik, neet wie Venlo bersjèrmp door walmör, dèks verwoes door oorlogsgeweld. Heidoor heet de plaots weineg alde monuminte. Blierik is daodoor evels wel ummer vaan groete militair beteikenis gewees: al in 1450 woort hei e fort gebouwd. In 1643 woort dit vervange door 't Sint-Michaelsfort, gebouwd door de Spaanjerds. In 1831 volgde Fort Leopold, gebouwd door de Belzje opstandelinge. Op dees groond steit sinds 1913 de Frederik Hendrik-kazern. Blierik waor tot aon de Franse vereuvering in 1794 'n oonaofhenkelek kerspel, wat neve Blierik-dörp ouch Houblierik en D'n Bokent umvatde. De ander kerne woorte rotte geneump. Blierik huurde in 't Hertigdóm Gelder, wie Venlo. Nao de Spaonse Successieoorlog kwaam Venlo evels in Nederlandse hand en kwaam Blierik aon Pruse. De res kaom bovedeen aon Oosteriek.
In 1794 kwame de Franse bezètters mèt 'n gemeinteleke herindeiling: alle kleine gemeintes woorte opgeheve en samegevoog. Heejdoor kwaam 't ald kerspel Blierik in de gemeinte Bree te ligge, same mèt Bree en Baolder. Dees situatie woort nao de Franse bezètting gecontinueerd. De gemeinte waas evels sterk verdeild umtot Blierik ziech ummer mier versteidelekde en op Venlo riechde, dewijl Bree en Baolder lendeleke plaatse bleve. 't Dörp kaom aon de spoorlijne van Venlo nao Eindhove en van Venlo nao Nimwege te ligke en kreeg in 1869 'n eige station. In 1876 vestegde de zösters van de Oonbevlekde Oontvangenis zich in Blierik. Ze zouwe decennislaank hunne stempel op 't Blieriks dörpsleve duie. In de twintegste iew begós Venlo poginge te doen um Blierik te annexere, iets wao de Blierikse bevolking en de Breese raod sterk taege ware. Nao mislökde poginge in 1911 en 1929 woort oetindelek in 1940 de euvergang van Bree nao Venlo doorgeveurd. Auk Houblierik en D'n Bokent woorde heejbeej geannexeerd. Op 3 december 1944 woort Blierik bevrijd door de Geallieerde.
[bewirk] Wieke
Houblierik en D'n Bokent weure es zelfstendege kerne gezeen. Blierik zelf liet ziech oonderverdeile in:
- Tuindörp
- Dörp/Centrum
- Hazekamp
- Sint-Annakamp
- Vastelaovendkamp
- Smeliëkamp
- Ubrook
- Zonneveld
- Klingerberg
- Vossener
De wiek Tuindörp is officieel, meh weurt in neet-amteleke situaties weineg gebruuk. Veur de oonderwieke vaan Tuindörp gelt 't umgekierde.
[bewirk] Taol
't Blieriks liek väöl op 't Venloos.
[bewirk] Gebore in Blierik
- Mathieu Cordang, fietserenner
- Rick Hoogendorp, vootballer
|
|
|
|---|---|
| Sjtad: Venlo | |
| Dörper:
Blierik | Houblierik | Belvend | D'n Bokent | Sjteil | Tegele | 't Ven |
|
| Buurtsjappe, gehuchte en wieke:
De Maagdenberg | Vogelbuurt | Hagerhaof | Genueë | Sinselveld | Greunveld | Sloeët | Op de Hei | Maasveld | Klingerberg | Vastenaovendkamp | Underste Meule | Bäöveste Meule | Meuleveld | de Vossener | Meulebös | Vaegtes | Groeët Boller | Geloë | Annakamp | Hoeëgschoor | De Ticheleri | de Veerpaerdjes |
|
