Zieëkónde

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Zieëkónde of oceanografie is de aerdweitesjap die de hydrosfeer bestudeertj zowie de meteorologie det mit d'n atmosfeer duit. Hiebie wuuertj väöl aandach bestaedj aan zieëstruime enne wusselwirking tösse de oceane en 't klimaat. Wo oceanografie besjrievendjer zów mótte zeen en oceanologie verklaorendjer, waere dees begrippe meistes doorein gebroek, wobie de ieëste term bekèndjer is inne weitesjap enne twieëdje in technische kring.

Emes dae zich besjeftig mit zieëkónde neump me 'nen oceanograaf of zieëkundige.

Zieëkónde is óngerverdeildj inne marien biologie ('t laeven inne oceane) enne marien sjemie en geosjemie (de studie vanne kringloup van kaolstof en anger sjemische kómponentje in 't zieëwater) enne fysische oceanografie.

De fysische oceanografie bestudeertj allein de netuurkóndige eigesjappe vanne oceane, wie zieëstruime, de rol vanne oceane veur 't klimaat en klimaatverangering, de interaksje mitten dampkrink, zieëspegelstieging, El Niño, getieje, golve en golfveurspèlling en stórmvleuj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zieëkónde&oldid=389588"