Zheng He

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Zheng He.

Zheng He (zg. 1371 - zg. 1435) waas 'ne Sjinese eunuch-admiraal dae bekèndj steitj veur det d'r in 1405 'nen hieël groeate vlaot van 62 jonken en mieër es 100 kleinder buuet lèdje, mit gans biejein zoeaget 28.000 aan bemanning, nao Calicut in Zuud-Indië. Bie later expedities, tösse 1407 en 1433, deej d'r fieërtig lenj langse Indische Oceaan aan, toet inne Roeaj Zieë enne Swahilistej anen Afrikaanse oeaskös. Recènt óngerzeuk wies aevel oet det de Sjineze nag väöl wiejer gónge.

In 1421 vertróg op bevael vanne Mingkeizer Zhu Di oppernuuj 'ne vlaot ónger leijing van Zheng He. Noe mit 't ènj veure werreld in kaart te bringe. De vlaot splitsdje zich in veer eskaders die allemaol e deil vanne opdrach oetveurdje.

Volges 'n controversieel theorie van Gavin Menzies gónge ze róndje Kaap en bereikdje ze Amerika, zevetig jaor veur Christoffel Columbus, en vore ze róndje werreld, einen ieëf veur Ferdinand Magelhãen. Ouch zówwe ze Antarctica en Australië óntdèk höbbe. Aevel guuef 't slechs weinig historici die dees theorie aanhange.

Zeker liek te zeen det Zheng He d'n oeaskös van Amerika haet bereik.

Meh doe de oetgedóndje reste vanne vlaot twieë jaor later trögkkome waas Sjina verangerdj: 't landj waas in zichzelf gekieërdj en sting aan 't begin van 'n ieëvelang zelfgekaoze isolement. De sjeper vergónge vanne rot en kaarten en anger bewiesmatterjaal woorten op bevael van hoeagerhandj verrinneweerdj. Sómmige documente bleve waal bewaardj of vónje mesjiens de waeg nao 't wèste.

Door e verbod vanne Ming-dynastie waas inkel ieëven e verbod oppe sjeepvaart op India; nao inkel decennia woort dit verbod aevel ingetróg. Sjina bleef toet 't begin vanne neugetieëndjen ieëf 'n wichtige hanjelsmeugendjheid mit hanjel op Indonesië, India en Afrika.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zheng_He&oldid=443564"