Zaeg

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


'n Handjzaeg.

'n Zaeg is e stök gereidsjap veur matterjale wie hout, netuurstein en metaal te bewirke. 't Wuèrtj gebroeke in väöl beroepe, wie tummerman en sjirurg.

'n Zaeg haet e getandj, váölal metale blaad, 't zoa-geneumdje zaegblaad, womit in 't te bewirke matterjaal 'n gleuf kan waere gemaak. De get oetstäöndje tenj vanne zaeg kerven in 't matterjaal en dore bewaeging vanne zaeg waere klein spane aafgeveurdj. De matterjaaleigesjappe van 't zaegblaad enne vorm vanne tenj zeen aafgestump op 't te zaege matterjaal.

Bie masjinaal zaege kan e blaad waere gebroek det inne vorm van 'ne gelaoke lus is oetgeveurdj, 'n lintjzaeg. Bie e róndj blaad sprèk me van n cirkelzaeg. 'n Busvörmige zaeg is de gaterzaeg. 'n Kittingzaeg is ónger anger van 'n kitting veurzeen. In taengestèlling toet masjinaal zaege, die gewuuenlik in ein richting bewaeging, wuuertj de handjzaeg op-en-aaf bewaoge in 't matterjaal en zaeg, aafhenkelik vanne tanjing bieje trèk- of duujbewaeging, eventueel of bie beidskantje.

Zaege veur stein kónne tenj höbbe, bie zaachter steinsaorte, of bezatte zeen mit hel matterjaal wie diamantjpoejer.

Zaege óngersjèdj zich van sniejen en knippe: bie snieje wuèrtj gei matterjaal aafgeveurdj en bie knippe wuèrtj 't matterjaal door drök vervörmp.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zaeg&oldid=376330"