Verspaning

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


Verspaning sleit op alle vörm van matterjaalbewirking wobie middels bepaoldj handj- of mesjiengereidsjap matterjaaldeiler waeren eweggenómme wobie spane óntstaont. Hiebie nump de massa aaf en verangertj de oarsprunkelike vorm blievendj.

Tiejes de bewirking wuèrtj 't matterjaal eweggehaoldj door aafsjuving wobie den spane of królle óntstaont. Taengeneuver de verspanendje bewirking steit de neet-verspanendje bewirking. Hiebie óntstaont gein spane.

t'r Illustratie van 't begrip verspaning kan me dinke ane królvörmige spaan die me zuut óntstaon es me mit e mets euver neet te zaachte bótter sjraap wobie 't mets dwaersj oppe bewaegingsrichting wuuertj gehaje.

Veurbiljer van verspanendje bewirkinge zeep fraeze, drejje, viele, baore, zaege, sliepe, sjave en staeke. Neet-verspanendje bewirkinge zeen wals, perse, pónse, lasere, soldere, snieje, lasse, smeje, gete en buge.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Verspaning&oldid=376327"