Hout

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Doorgezaegdje stam van 'ne boum mit inwenjige hertsjäöre.

Hout is 't veurnaamste bestandjsdeil van houterige plantje: (veural) buim en struuk. Plantjkóndig gezeen is hout 't door 't cambium geproduceerdj secundair xyleem van zaodplantje. Volges dees diffenisie zeen de houterige weefsels van beveurbeildj paume gein hout inne strikte zin. E kènmirk is wiejer de aafzètting van houtstof (lignine) inne celwenj. In 'n anger ómsjrieving wuuertj hout daoróm gezeen es verholtj plantjeweefsel.

De tek, stammen en reut van houterige (neet-kroedechtige) plantje bestaon veur e wichtig deil oet hout. Hout vörmp 't binnelste en 't grótste deil vanne stam. Houterige gewasje zeen ofwaal buim, struuk, cactussen of doorlaevendje klumplantje (wie droeve).

Inne plantj is hout (secundair xyleem), mit naam inne butelste laoge daovan, betróg bie 't verveur van water en voorstoffe (anorganische sappestruim) vanne reut nao de blajer. Daonaeve guuef hout staevigheid ane stam. 't Hout besteitj oet 't secundair xyleem. De taengepoeal van 't xyleem is 't floëem, det de verveursstroum inne taengeneuvergestèldje richting verzörg.

Hout wuuertj gebroek bieje productie van pepier, kóns (houtbewirking) en es constructiematterjaal bie beveurbeildj hoezer, muibelen èn buuet. Ouch wuuertj hout es brandjstof gebroek, zowaal inne gewuuene vorm es inne vorm van houtskaol.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hout&oldid=407694"