Yuval Noah Harari

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Yuval Noah Harari (Hebreeuws: יובל נח הררי; 24 fibberwarie 1976, Kirjat Ata) is 'nen Israelische militairen historicus, Middeliewe-kinner en professor aon de historische faculteit vaan de Europese Universiteit vaan Jerusalem. Daoneve is heer 'nen aktivis op ’t gebeed vaan de rechte vaan dere, homoseksualiteit en veganisme.

Harari studeerde vaan 1993 bis 98 aon dezelfde Europese Universiteit boe heer noe aktief is. Dao studeerde heer aof in de historie vaan de Middeliewe en legers. In 2002 haolde heer zienen doktoraot in Oxford. Nao zienen doktoraot is Harari ziech gans gaon wije aon transnationale historie en macro-historische oonderwerpe. Dit deej heer in combinatie mèt väöl interdisciplinair oonderzeuk, veural op 't gebeed vaan ikkenemie, technologie en biologie

Zie veerde book oet 2014 woort'‘ne bestseller dee heer iers op 't Herbreeuws sjreef en daonao op 't Ingels: Sapiens: A Brief History of Humankind (Vrij vertaold: Sapiens: ’n Korte Historie vaan de Mins). 't Vervolg op dat book kaom oet in 2016: Homo Deus: A Brief History of Tomorrow (Homo Deus: 'n Korte Historie vaan Mörrege; Homo Deus is Latien veur 'ne Godsmins). 't Ierste book hilt ziech bezeg hilt mèt de historie vaan de mins en wie in die historie bepaolde filosofische vraogstökker centraol begoste te staon die neet allein e produk waore vaan de wereld boe-in de homo sapiens leefde mer ouch laankzaom meh zeker 'nen enorme impek begoste te höbbe op de wereld zelf, en op de homo sapiens. 't Twiede book pak dees oontwikkeling op en perbeert de allewijl situatie in te sjatte boe-in veur d'n ierste kier in de historie de groete perbleme veur de homo sapiens neet vaan boete aofkomme (zoewie hoonger en krengdes) mer door de homo sapiens zelf gecreëerd zien (zoewie eerdopwerming en technologie die de mins in veerdegheie liekent in te haole). 't Laot zien wie veer es mins zien gegaange door drei stages vaan geluive: Animalisme ('t geliekstèlle vaan minse aon dere en zelfs aon de ganse natuur), theïsme (wie Jäödom, Christendom en Islam; God centraol zitte en de mins es ‘tössepersoen’ en nao God gesjaope weze situere tösse de Goddeleke wereld vaan God en de Eerdse wereld vaan de diere) en 't humanisme (allein de mins steit nog centraol – al 't aander geluif is bijzaok). De veerde stage die veer lieke in te gaon volges Harari is die vaan 't zoegenaomp Dataisme. Heer stèlt tot die stage al is begós de wereld te dominere, door 'n nui gedachte centraol te zètte: alles, ouch organismes, is algoritme. Data is datgeen wat ech weerde heet in veurspoed. De mins zelf is eigelek meh bijzaok. Wijer stèlt Harari tot sommege lui daankzij technologische veurspoed zawwe kin evoluere tot e nuij soort mins die bove de homo sapiens steit. Harari benaodrök evels tot ’t mesjiens wel gaaroet neet klop tot organismes puur algoritmes zien, mer tot de meiste lui (inclusief biologe) dit wel geluive en daomèt dataiste zien. Harari stèlt tot dit ’n centraole vraog geit weure in de aonkommende iew: Is alles in de wereld algoritme?

Brónne[bewirk | brón bewèrke]

De Rössischtaolege versie vaan dit artikel en 't Ingelstaoleg Wikipedia-artikel vaan Homo Deus: A Brief History of Tomorrow.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Yuval_Noah_Harari&oldid=421549"