Homoseksualiteit

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


't Regeboogveendel, 'n internationaol symbool vaan lesbische, homoseksueel, biseksueel en transseksueel lui (LHBT'ers).

Homoseksualiteit (macaronisch woord, van 't Grieks ὁμός homos 'geliek' en 't Latiens sexualis 'geslachtelek') is zoewel de aontrèkking tot es seksuelen umgaank mèt lui vaan 'tzelfde geslach, in tegestèlling tot heteroseksualiteit (aontrèkking tot en umgaank mèt lui vaan 't aander geslach), biseksualiteit (aontrèkking tot lui vaan allebei de geslachte) en aseksualiteit (oontbreke vaan seksueel aontrèkking). Homoseksueel gedraag kump bij de mins en versjèllende aander biestesoorte frequint veur. 't Kin zienen oersprunk vinde in 'n homoseksueel geaardheid, meh kin ouch de vörm vaan gelegeheidsgedraag aonnumme (seksuelen umgaank mèt individu's oet de eige gróp bij gebrek aon eint vaan 't aander geslach).

Diverse minseleke culture goon zier versjèllend mèt homoseksualiteit um. Väöl culture acceptere 't, sommege meujege 't zelfs aon (beveurbeeld in 't klassiek Athene). In aander gróppe weurt 't evels aofgekäörd; soms is die aofkeuring zier sterk en weure strafe opgelag veur homoseksuelen umgaank (tot d'n doedstraaf aon touw). Dees aofkäöring is dèks, zij 't neet ummer, religieus bepaold. Weer aander culture zien veural homoseksueel manslui es behurend bij 'n aander geslach (de zoegeneumde two-spirits), zoetot hei kwesties vaan geslachsidentiteit weure bereurd. In de westerse maotsjappij höbbe homoseksuele ziech dèks eige subculture gemaak, die soms de mainstreamcultuur deepgoond kin beïnvleuje. Versjèllende organisaties koume op veur hun rechte.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Homoseksualiteit&oldid=405695"